تحليل بيانات حملات تسويقية

الشركة بتشغّل حملات تسويقية وبتصرف ميزانيات ثابتة، لكن العائد الحقيقي من كل حملة مش واضح. بعض الحملات بتنجح، والبعض بيستهلك الميزانية بدون تأثير، رغم إن الإيرادات معتمدة على شرائح عملاء محددة مش دايمًا بتتخاطب بالطريقة المناسبة. كان لازم تتحول قرارات التسويق من تخمين إلى قرارات مبنية على الداتا، وفي نفس الوقت أقيس تطور طريقة تفكيري بعد تعلم الديجيتال ماركتنج.

علشان كده بدأت بتنظيف وتجهيز الداتا، وإنشاء أعمدة محسوبة لتقسيم العملاء، وبناء مؤشرات أداء رئيسية، وبعدها حللت سلوك العملاء وأداء الحملات والقنوات البيعية علشان أفهم فين القوة وفين الهدر الحقيقي.

التحليل كشف إن جزء صغير من الحملات بيحقق أغلب النتائج بينما الباقي بيضيع ميزانية بدون عائد، وإن الشرائح الأعلى قيمة مش مستهدفة برسائل مناسبة. بناءً على ده، الحل كان واضح: استهداف أدق لكل شريحة، تكرار الحملات الناجحة، تحسين أو إيقاف الحملات الضعيفة، وتقوية القنوات اللي عندها فرصة نمو. النتيجة إن التسويق يتحول من تكلفة ثابتة… لاستثمار بعائد واضح.