تحليل بيانات سلسة مطاعم بيتزا وعمل داش بورد

قصة مشروع تحليل مبيعات مطعم بيتزا – من أول مكالمة لحد الـ Dashboard

بدأ المشروع لما كلّمني صاحب مطعم بيتزا وقالّي:

> "عايز أفهم المبيعات عندي ماشيه إزاي…

إمتى الزحمة؟

إيه أكتر منتج بيبيع؟

وإيه اللي لازم أركز عليه؟"

ومن اللحظة دي… بدأت الرحلة

1. استلام البيانات وفهمها

العميل بعتلي ملف كامل فيه:

تفاصيل الطلبات

الكميات..الأسعار..الأنواع..الأحجام..التواريخ

قعدت أفهم شكل الداتا، وأتأكد إنها صالحة للتحليل.

2. تنظيف البيانات ومعالجتها

لما بدأت أراجع البيانات لقيت:

تواريخ غير صحيحة

أسماء متكررة بصيغ مختلفة

أسعار ناقصة

قيم مش متوافقة

بدأت أعمل Refining للداتا علشان تطلع النتائج دقيقة،

وبعد ما الداتا بقت "نضيفة" بدأت المرحلة المهمة.

3. التحليل باستخدام SQL

قبل ما أعمل أي Visualization… لازم أفهم الصورة.

استخدمت SQL لاستخراج أهم الـ KPIs:

إجمالي المبيعات..عدد الطلبات..عدد البيتزات المباعة..المبيعات اليومية والشهرية..أعلى وأقل الأنواع مبيعًا..التحليل حسب الحجم والفئة

وهنا ظهرت Insights مهمة جدًا، زي:

حجم الـ Large هو الأكثر مبيعًا

فئة Classic مسيطرة على السوق

أيام الأربعاء والخميس أقوى من الجمعة

في منتجات لازم يُعاد النظر في وجودها

4. تصميم Dashboard واضحة وسهلة الفهم – Power BI

بعد ما فهمت كل الاتجاهات، بدأت أحوّل الأرقام لقصة مرئية:

KPIs في البداية:

Total Sales..Total Orders..Units Sold..Average Order Value

تحليل زمني:

مبيعات الشهور..أداء أيام الأسبوع ..اتجاهات المبيعات عبر السنة

تحليل المنتجات:

المبيعات حسب الفئة..حسب الحجم

Top 5 Products

الداشبورد كانت بسيطة، واضحة، وتجاوب على أسئلة العميل بدون ما يتوه.

5. اجتماع التسليم

عرضت عليه الداشبورد وقالّي:

> "دي أول مرة أفهم شغلي بالشكل ده…

كنت باخد قرارات بالإحساس،

دلوقتي باخدها بالأرقام."

وقدرت أجاوبه بالأرقام:

ليه نوع معيّن مش بيبيع؟

ليه شهر معيّن عالي؟

وإمتى المطعم فعليًا في ذروة الطلب؟

الخلاصة

المشروع ماكانش مجرد Dashboard…

كان قصة بزنس كاملة مبنية على تحليل دقيق وبيانات حقيقية.

والنتيجة؟

العميل قدر يشوف مطعمه من منظور جديد،

ويضبط قراراته على أساس واضح… مش تخمين.

#تحليل_بيانات #مستقل؛#داش_بورد #PowerBI #DAX #DataAnalytics #SQL