تصميم واجهات مواقع – UI/UX

في المشروع الأول اشتغلت على إعادة تصميم لموقع Riverside، وهو موقع كان محتاج تطوير عشان تجربة المستخدم تبقى أوضح وأسهل. بدأت بدراسة الموقع الحالي وتحليل المشاكل اللي بتواجه المستخدمين زي صعوبة التنقل وعدم وضوح ترتيب المحتوى. بعد كده صممت تدفق جديد للصفحات (User Flow) وWireframes بتوضح الرحلة من أول دخول الزائر لحد ما يوصل للمعلومة أو الخدمة اللي محتاجها. بعدين نقلت التصميم لواجهة UI حديثة بألوان وهوية متناسقة مع البراند، وقدمت Prototype تفاعلي بيعرض رحلة المستخدم بشكل عملي.

أما المشروع التاني اشتغلت على صفحة اسمها Colmorist كانت موجودة على السوشيال ميديا، والفكرة إني أعملها موقع إلكتروني بصفحة هبوط واضحة وبسيطة. الهدف الأساسي كان إني أنقل محتوى الصفحة بشكل احترافي على الويب، وأصممله تصميم يشد الانتباه ويعبر عن البراند.

ابتديت بجمع المحتوى الموجود وتبسيطه عشان يوصل للمستخدم بسهولة، بعدين عملت تصميم للـ Landing Page يوضح الرسالة الأساسية، مع زر Call to Action يخلي المستخدم يقدر يتفاعل فورًا. كمان ركزت على الألوان والصور عشان الهوية البصرية تبقى متناسقة مع الشخصية اللي بيقدمها البراند.

النتيجة:

صفحة Colmorist بقت موجودة في صورة موقع إلكتروني احترافي.

التصميم سهل وبسيط يخلي المستخدم يعرف الهدف من أول لحظة.