Crystalline Craze

في تصميم علبة المشروب دي، التحدي الأكبر كان إزاي أخلي قطرات المية تبان طبيعية وواقعية. عشان كده، استخدمت الجيومتري نودز ، علشان أوزع القطرات بشكل عشوائي ومنظم في نفس الوقت، وأتحكم في حجمها وشكلها بسهولة. كمان، استخدمت النحت في بلندر عشان أصمم شكل القطرات الأول قبل ما أضيفها على العلبة، وده خلاني أوصل لنتيجة دقيقة ومتقنة.

أما بالنسبة للتوت اللي طاير حوالين العلبة، فبرضه استخدمت الجيومتري نودز عشان أعمله بأحجام وأشكال مختلفة، ووزعته بشكل يدي إحساس بالحركة والديناميكية. واستخدمت التكتشر عشان أضيف له الألوان الزاهية دي، وأخلي شكله جذاب وملفت للنظر.

بالنسبة للإضاءة، فهي كانت تحدي كبير، بس قدرت أظبطها بشكل يبرز جمال العلبة وقطرات المية، من غير ما يكون فيه أي حرق في الصورة. أما الـ UV mapping، فده كان شغل جامد، قعدت أظبط فيه كتير عشان الليبل يلف 360 درجة حوالين العلبة بشكل مظبوط. وطبعا، الموديلينج بتاع العلبة نفسها أخد مني وقت ومجهود عشان تطلع بالشكل ده. النتيجة النهائية بتوضح إزاي ممكن نستخدم أدوات بلندر المتقدمة عشان نخلق تأثيرات بصرية جذابة وواقعية