Mohamed A.

أنا محمد عبدالمجيد، مصمم ثلاثي أبعاد متخصص في تصميم المنتجات والإضاءة والخامات. بدأت الموضوع عندي بفضول بسيط عن برنامج بلندر اللي بيحول الأفكار حتى المستحيلة و المجنونة إلى صور و فيديوهات، لكن مع الوقت اتحول لشغف حقيقي أخدت قرار إني أدي له وقتي ومجهودي كل يوم. ساعات كتير بتعلم و اطبق فوق ال 10 ساعات مش علشان مضطر، لكن علشان بحب اللي بعمله و عايز إني أطور نفسي خطوة بخطوة.

في آخر 3 شهور عملت أكتر من 100 مشروع، والمشاريع دي أخذت منها خبرة عملية كبيرة و بدأت أركز على التفاصيل اللي بتفرق في شغل ال 3D. شغلي دايمًا مبني على 3 محاور: النمذجة النظيفة والواضحة، الإضاءة كويسة، والخامات اللي تدي واقعية وإحساس بالمنتج.

بجانب شغلي في التصميم، أنا بدرس إدارة أعمال في جامعة حلوان، وده ساعدني أتعلم إزاي أنظم وقتي وأرتب أولوياتي وأقيّم شغلي بشكل نقدي.

أنا متفق جداً مع إن الالتزام والجودة هما أساس أي مشروع ناجح. بخلص اللي أبدأه، وباخد ملاحظات كتير علشان أطلع في الآخر أفضل نسخة من المشروع. هدفي إني أقدم شغل يليق بالعميل ويضيف لقيمتي كمصمم، وأفضل أتعلم وأتطور يوم ورا يوم.