After Math

أول مشروع Dashboard كامل – (After Math)

بتوفيق ربنا… بدأت الرحلة من شيت مبيعات شكله يوتر أي محلل بيانات.

فتحته لقيت الكوارث:

تواريخ مش قارية.

أرقام مبيعات المفروض إنها أرباح، متسجلة بالسالب!

طلبات Completed متسجلة كأنها خسارة.

بيانات ناقصة عن مين نفذ الطلب أو فين تم.

وخانات فاضية كأنها بتقول: "سيبني أهرب".

في اللحظة دي، عرفت إني داخل معركة تنظيم… مش بس أرقام.

خطة المواجهة كانت كالتالي:

أي قيمة سالبة تتحول لموجبة، بشرط أعرف بالضبط إيه اللي هيتجمع وإيه اللي هيتطرح.

أي خانة فاضية، نوحدها باسم "UnKnown" علشان ما يهربش ولا رقم من التحليل.

تقسيم البيانات حسب الـ Order Status (Completed – Pending – Returned – Cancelled) لتسهيل التنظيف والمعالجة.

عمل Query لكل حالة، وبعدها Append للجداول في جدول شامل.

إضافة الأعمدة الناقصة (COGS / Sales / Unit Cost) كـ Calculated Columns.

إنشاء معظم الـ Measures في Power Pivot علشان الـ Dashboard تفضل خفيفة.

وبتوفيق ربنا، خلصت المرحلة الأولى على Excel.

لكن هنا جاتني فكرة…

ليه أعمل 4 Dashboards منفصلة لكل Order Status، وأنا ممكن أعمل Dashboard واحدة، وأسيب المستخدم يختار اللي عايزه من Slicers؟

كده وفرت وقت التصميم، وسهلت حياة أي مدير أو مستثمر، وفي نفس الوقت خليت التحليل شامل وواضح.

النتيجة:

من فوضى وضياع بيانات… لدashboard منظمة، أنيقة، وكل ضغطة فيها بتحكي جزء من القصة.

مدير المبيعات يقدر يعرف أداء السنة كلها، والمستثمر يقدر يشوف الفلوس اللي دخلت، اللي لسه معلقة، واللي كانت ممكن تدخل لولا الإلغاء أو المرتجعات.

دي مش بس أرقام… دي قصة رحلة من الفوضى إلى النظام، ومن الغموض إلى الوضوح، وكل ده بتوفيق من ربنا قبل أي حاجة