تطبيق مكتبي احترافي لإدارة المبيعات والمخزون متعدد اللغات

المشروع عبارة عن تطبيق مكتبي مخصص لإدارة عمليات البيع والمخزون داخل الشركات، مع نظام صلاحيات دقيق يضمن إن كل مستخدم يشوف بس اللي يخصه. المدير هو الوحيد اللي يقدر ينشئ حسابات جديدة ويحدد صلاحيات كل موظف، وده بيحافظ على أمان البيانات ويمنع أي استخدام غير مصرح به.

التطبيق بيساعد في إدارة الطلبات و تقدر تبحث عن أي طلب باستخدام الباركود، اسم العميل، التاريخ، السعر، أو حالة الشحن. ولو ضغطت مرتين على الطلب، بيظهرلك كل التفاصيل زي المنتجات، الألوان، والكميات.

كمان فيه نظام لإدارة المنتجات، تقدر تصفّي حسب السعر أو اللون أو حالة المخزون، وتعدل البيانات في الوقت الحقيقي لو عندك صلاحية.

المدير يقدر يتابع كل اللي بيحصل من خلال سجل النشاطات، ويعدل بيانات المستخدمين، يغيّر الباسوردات، أو يحظر الحسابات من واجهة واحدة.

التطبيق بيدعم 8 لغات، وبيوفر 21 ثيم مختلف لتخصيص شكل الواجهة حسب ذوق المستخدم، وكل التفضيلات بتتحفظ تلقائيًا.

مصمم خصيصًا لنظام ويندوز، وبيستخدم منطق شبيه بـ Excel علشان يسهل التعامل مع البيانات، وده بيخلي تجربة الاستخدام سلسة لأي موظف مهما كانت خبرته التقنية.