دراسة حالة لـ موقع متخصص في علاج الإدمان

من حوالي 3 شهور بدأت أشتغل على موقع متخصص في علاج الإدمان، وقتها الموقع كان بيحقق حوالي 242 ألف Click شهريًا وبيظهر في محركات البحث 12.4 مليون مرة. بالرغم من الأرقام دي، كان واضح إن النمو شبه متوقف، وإن في فرص كبيرة ضايعة بسبب مشاكل في الترتيب، المحتوى، وبنية الموقع.

أول خطوة بدأت بيها كانت تحليل شامل للـ Low-Position Pages من خلال Google Search Console. ركزت على الصفحات اللي ترتيبها في الصفحة التانية والتالتة، واللي عليها Impressions كويسة لكن CTR منخفض. بدأت أشتغل على تحسين المحتوى بدمج أهم الـ Queries اللي الموقع بيظهر فيها من غير ما يحقق منها زيارات، وده ساعدني أرفع ترتيب كتير من الكلمات.

في نفس الوقت بدأت أشتغل على بناء Topical Maps قوية. لكل Topic رئيسي زي علاج إدمان الحشيش أو الترامادول، أنشأت خريطة مواضيع بتغطي التوبيك بالكامل، وده من خلال تجميع الـ Search Queries المرتبطة بكل موضوع وإنشاء محتوى يغطيها من كل الزوايا. الهدف كان تحقيق Topical Coverage يخلي الموقع يظهر كـ Topical Authority في النيتش ده، مش مجرد موقع بيكتب مقالات متفرقة.

أثناء الشغل لاحظت وجود صفحات مش بتخدم أي Search Intent حقيقي، وبعضها محتواه ضعيف أو مكرر. فبدأت عملية Content Pruning شاملة، مسحت اللي مش بيضيف قيمة، ودمجت المحتوى المتقارب عشان أخفف التكرار وأوضح للسيرش إن كل صفحة ليها هدف واضح ومميز.

واحدة من أهم المشاكل اللي اشتغلت عليها كمان كانت Keyword Cannibalization. حللت الصفحات اللي بتتنافس على نفس الـ Keywords، وبدأت أعيد توجيه أو أدمج الصفحات اللي محتواها متداخل. ده ساعدني أوجه الـ Ranking Signal للصفحة الأقوى، وبالتالي أحقق ترتيب أفضل بشكل أسرع.

اشتغلت كمان على Internal Linking Strategy مبنية على علاقة المواضيع ببعض. كل Cluster من المواضيع بقى مربوط داخليًا بطريقة ذكية بتخدم الـ Topical Map وتدعم تجربة المستخدم وتساعد Google في فهم بنية الموقع.

ومن الناحية التقنية، اشتغلت على حل مشاكل Internal Redirects اللي كانت بتأثر على الـ Crawl Budget. قللت عدد التحويلات الداخلية وخليت الزحف أكثر كفاءة، وده انعكس في سرعة الفهرسة وتحسين ظهور المحتوى الجديد.

وبما إن النيتش حساس ومرتبط بالصحة النفسية والإدمان، كان لازم أشتغل على تعزيز EEAT. أنشأت صفحات تعريف بالـ Authors، وركزت على دعم المحتوى بمصادر موثوقة، وده ساعد في بناء ثقة الموقع سواء عند Google أو عند المستخدم.

بعد 90 يوم من الشغل المنظم، الموقع وصل لـ 365 ألف Click شهريًا، و18.1 مليون Impression. لكن الأهم من كده هو إن الترتيب اتحسن في عدد ضخم من الكلمات المفتاحية الأساسية، وبقى عندنا أساس قوي نكمل عليه نمو مستمر.

اللي حصل مش مجرد تحسين عناوين أو Keywords، ده شغل SEO مبني على تحليل دقيق، استراتيجية واضحة، وتنفيذ عملي بيخدم الهدف النهائي: إن الزائر يوصل لحل حقيقي من خلال المحتوى، وإن الموقع يبقى فعلاً يستحق يتصدر.

لو عندك موقع في مجال طبي أو نيتش حساس وبتدور على نمو حقيقي مبني

على شغل نظيف، ابعتلي أو اعمل Follow علشان تتابع دراسات الحالة الجاية

تواصل معايا وهعرضلك كل الشغل لايف