العنايه الصحيحه بالأسنان

في رعاية صحة الأسنان?

السلام عليكم ورحمة الله وبركاته

ممكن نخصص شوية من وقتنا في سبيل العناية الصحيحة بالأسنان. طبعاً مفيش أي إختلاف علي أهمية الأسنان في حياتنا بشكل عام. وأكيد مفيش حد عنده شك في إن جاذبية أى شخص بتظهر في شكل أسنانه وإبتسامته الجميلة. عشان كده لازم نهتم بغسيل الأسنان بالطريقة الصحيحة ونخليه جزء من الروتين اليومي.

هو أى غسيل الأسنان بالطريقة الصحيحة ده؟! هو أنا ممكن أكون بغسل أسناني بطريقة غلط؟! أكيد طبعاً في كتير مننا بيغسلوا أسنانهم بطريقة غلط وده ممكن يؤدى إلي مشاكل أكبر بكتير زي تجريح اللثة مثلا. نيجي بقي للطريقة الصحيحة لغسيل الأسنان. المفروض تغسل أسنانك بطريقة ال roll تكنيك مش من اليمين لليسار. وده هنوضحه في الفيديو بإذن الله. المفروض نغسل أسنانا من ٢ إلي ٤ دقائق مش ثواني زي ما معظمنا بيعمل. ومرتين يومياً + مرة بخيط الأسنان الطبي.

طيب المفروض نغير الفرشة كل قد أى؟ نغير الفرشة كل شهرين مش سنة زى ما الناس بتعمل.

أمتي نبدأ غسيل الأسنان للأطفال؟ نبدأ غسيل الأسنان مع ظهور أول سنة للطفل. يعني الطفل من ٦ شهور إلى سنتين يكون بيتغسله أسنانه عادى. طب هنغسلها أزاى؟ في عندنا حاجتين شاش طبي الأم بتبله بالميه وبعدين تمسح بيه علي أسنان الطفل. او finger brush ده الام بتدخله في صباعها وتغسل بيه أسنان الطفل عادي وهو فيه من قدام فرشة بتغسل الأسنان. طبعا ده كله هتشوفوه في الصور اللى تحت. ومن أول ٣ سنين بنبدأ نشترى للطفل فرشة ونعلمه يستخدمها. وطبعاً أحب أوضح ليكوا أن غسيل أسنان الأطفال مهم جداً و لأنها بتبقي أكثر عرضة للتسوس.

طب ومعجون الأسنان وأنواعه؟ بإذن الله هنتكلم عليه فى البوست الجاى.

أتمنا أكون أفدتكوا علي قد ما قدرت️️️️

Enjoy your life ️️?