موقع لمشاركة الاسئله

مشروع جديد مميز ومتقدم شويه اشتغلت فيه جزء الفرونت اند من خلال ReactJS, TailwindCSS وجزء الباك اند استخدمت firebase لل Authentication و Database.

فكرة الموقع انك كمستخدم تقدر ترفع quiz مكون من عدد الاسئله الي محتاجها وكل quiz بيكون له عنوان ووصف وتختار له تصنيف معين وطبعا الاسئله وبتكون عباره عن رأس السؤال و ٤ إجابات من ضمنهم الاجابه الصحيحه طبعا.

بعد ما بيتم اضافة ال quiz بتقدر تشاركه لاي حد ويقدر يدخل يجاوبه وبيوصلك تقرير عن كل محاوله من اي مستخدم ونتائج الحل بتاعته والوقت الي اخده في الحل والاجابات الخاصه بيه وطبعا ال quiz بيظهر في الموقع نفسه في الجزء الخاص بالتصنيفات علي حسب تصنيفه.

كل مستخدم ليه ملف شخصي يقدر يحط فيه المعلومات الاساسيه وبردو بيقدر يضيف معلومات زياده زي العنوان وروابط التواصل الخاصه بيه ورابط موقعه الشخصي وبيكون متاح سجل فيه جميع نتائجه بالتفصيل ويقدر اي حد داخل البروفايل الخاص بيه يشوفها.

ناوي ان شاء الله اطور فيه اكتر من حاجه زي ان المستخدم يعمل متابعه لشخص او تصنيف معين كل ما يتم رفع quiz جديد يوصل له تنبيه او اشعار ويبقي فيه جزء زي timeline في الصفحه الرئيسيه يظهر فيه ال quizzes المرتبطه باهتمامات المستخدم.

يارب تكون الفكره عجبتكم ومستني اسمع رايكم.