مطور ويب fullstack

الوصف:

احنا بندور على مطور Full-Stack شاطر ومتفاني ينضم لمشروعنا على أساس Freelance. المهمة الأساسية هتكون مساعدتنا في إنشاء نظام لإدارة التعلم (Learning Management System - LMS) مخصص، باستخدام Frontend مكتوب ب React/Next.js، ومقترن ب Backend مبني على واحد من الframeworks دي: Express.js، NestJS، Koa، أو Golang. الداتابيز اللي هنستخدمها هي PostgreSQL. مهم جدًا إن المتقدمين يكونوا عندهم خبرة محددة في التكنولوجيا دي.

تفاصيل المشروع:

Frontend: المشروع عنده كود ال frontend كاملة -- تم شراؤها -- ب React/Next.js، بس محتاجة تعديلات وتظبيط.

Backend: محتاج يتبني من الصفر بواحده من frameworks الي مكتوبه في الوصف وباستخدام PostgreSQL.

المميزات: ال LMS هيكون فيها مميزات متعددة زي بث الفيديوهات عند الطلب (محتوى محمل مسبقًا، مش بث مباشر)، وظائف الدردشة لكل درس، منتديات للنقاش لكل درس، اختبارات، وغيرها من المميزات المعتادة في ال LMS.

المتطلبات:

إجادة React و Next.js لتطوير Frontend.

خبرة في Express.js، NestJS، Koa، أو Golang لتطوير Backend.

خبره في postgresql

خبرة سابقة في بناء أو العمل مع نظم إدارة التعلم مفضلة جدًا.

مهارات اتصال ممتازة وعقلية تعاونية.

معلومات إضافية:

التعاون وتبادل المعرفة: كمهندس برمجيات عندي خبرة في Meta، أنا متحمس جدًا للمشاركة في عملية مراجعة الكود. ده فرصة فريدة لتبادل المعرفة واستقبال اقتراحات تصميم البرمجيات. مشاركتي المحتملة في مرحلة التطوير مش هتأثر على الميزانية المتفق عليها، بغض النظر عن مستوى الدعم المقدم.