مبرمج يعمل نظام محادثة ذكاء إصطناعي متعدد الشخصيات بربط API

مطلوب مبرمج يعمل موقع ويب بسيط بفكرة متقدمة شوية. الفكرة ان يكون فيه اكتر من شخصية ذكاء اصطناعي (AI Agents)، كل واحدة فيهم ليها شخصية وسلوك مختلف. بعض الشخصيات هيتكلموا مع بعض، وفي شخصية هتسمع اللي بيتقال وتبعت اللي سمعته لشخصية تانية.

مش محتاج واجهة معقدة، مجرد حاجة بسيطة جدا كفاية عشان اجرب ان كل حاجة شغالة، واللوجات ممكن تطلع في الكونسول عادي.

يكون فيه 4 وكلاء:

- اتنين بيتكلموا مع بعض.

- واحد بيسمع المحادثة.

- الرابع بياخد اللي التالت سمعه وبيستخدمه في رد معين.

تفاصيل اللي محتاجه:

- الباك اند يكون Node.js.

- استخدام API واحدة (مثلا Gemini).

- كل وكيل ليه برومبت وسلوك مختلف.

- بعض الوكلاء ممكن يسحبوا بيانات من API (زي الطقس أو العملات الرقمية...).

- اللي محتاجه بشكل أساسي:

- نظام modular يسمح بإضافة وكلاء جداد بسهولة.

- توثيق واضح يشرح إزاي أضيف أو أعدل وكلاء بعدين.

- دعم API Key واحدة (مش لازم لكل وكيل مفتاح خاص).

- ممكن المحادثات تبان في الكونسول أو بواجهة بسيطة لو حبيت.

اللي هيشتغل على المشروع يكون مطلوب منه:

- يسلملي مشروع شغال بالكامل.

- كود نظيف ومنظم مع توثيق كويس.

- يوضحلي في التوثيق إزاي أقدر أضيف وكلاء تانين بعدين أو أعدل في التوصيلات بينهم.

لو مهتم، ابعتلي:

- فكرتك في تنفيذ المشروع والتقنيات اللي هتستخدمها.

- الوقت اللي هتحتاجه.

- لو عندك شغل شبيه قبل كده.