مقال عن الفصام .
تفاصيل العمل
تفتكر اي ممكن يخلي الإنسان مريض غير الأمراض الجسدية ؟
هنتكلم النهاردة عن حاجة جديدة و اللي معظم الناس مش واخد باله منها و هي أن مش كل التعب جسدي ولازم نتفهم كدة مع كل مريض نفسي او اي شخص عنده مشكلة نفسية هنقابله . طيب تعالى اقولك يعني اي اصلا المرض النفسي
المرض النفسي هو اللي ممكن تقول عليه اضطراب في صحة عقلك .
فانا اخترت واحد من اكثر الامراض النفسيه شيوعا وهو الفصام وهنتكلم عليه شويه .
طبعا اول سؤال هييجي في دماغك اي هو الفصام ؟
الفصام هو عبارة عن تغير في طريقة عمل المخ مع تغير طريقة التفكير والتصرف و التعبير عن المشاعر والنظر للواقع و العلاقات المتبادله بينه وبين الناس المحيطين بيه .
الفصام مرض بيخلي الناس اللي بيعانوا منه مصابين بالخوف والانطواء وللاسف ده مرض يصيب الانسان طول حياته وما لهوش علاج انما ممكن السيطره عليه ببعض وسائل العلاج المناسبه. طب تعرف أن الفصام ليه انواع...
وهقول نوعين : الاول فصام المطارده غني عن التعريف طبعا ، الثاني فصام لا منتظم دة المصابين منه بيكونوا حاسين بتوتر و ارتباك ومشاكل في التواصل مع الناس بالاضافه الى طريقه كلام غير متوازنة .
طيب اي هي بقا الأعراض اللي هتظهر على مريض الفصام ؟
في نوعين من الأعراض الاول بيتمثل في إن المصابين بيعانوا من بطء في الحركه ، بيلاقوا صعوبة في أنهم يفكروا بشكل طبيعي و منطقي ، و بيبقى عندهم برضو صعوبة في اتخاذ القرارات ، في نوع تاني من الاعراض و بيتمثل في أن بيبقى عندهم انعدام الاحساس ، وجود افكار وحالات مزاجيه لا تتماشى مع الوضع القائم مثلا البكاء عند سماع نكته ، الانسحاب من الحياه الاجتماعيه ، نقص الطاقه ، فقدان المتعه والاهتمام بالحياه ، مشاكل في اداء الوظائف .
طيب هل الفصام مرض له أساس بيولوچي ولا بييجي نتيجة عن حاجة معينة ؟
السبب لحد دلوقتي مش معروف لكنه من المعروف أنه مرض له أساس بيولوچي كالسرطان وغيره من الامراض ولا ينشا بسبب فشل تربوي او ضعف في الشخصيه كما هو معروف.
و مضاعفات المرض بيبقى ليها اثر خطير جدا لأن الفصام لو مخدناش خطوات ايجابيه معاه ممكن يؤدي الى الانتحار ، الوسواس القهري ، هيسبب اكتئاب طبعا ،و عدم القدره على العمل .
و طبعا لازم كلنا ندعم المريض النفسي لإن عمرك ما هتلاقي مريض سرطان مثلا الناس بعدوا عنه عشان مريض لكن على الجانب الاخر المريض النفسي في أغلب الأوقات مش هيلاقي حد يساعده في تخطي المرض لانه بسبب المرض أو المشكلة النفسية طريقته في التعامل بتبقى مش محببه للناس ، فالمفروض الناس تفهم و تقدر مشكله المرض النفسي . و هنعرف اكتر عن الأمراض النفسية في البوستات الجاية . ️