سكربت شاي مزجانجي

اليوم مش رايق وعايز تفضل فايق؟

حلك عندي، اشرب شاي مزجانجي.

-من امتى و الشاي بيفوق بس يا ناس؟!

ما طول عمرنا عارفين إن فنجان القهوة المظبوط هو اللي بيعلي المزاج ويظبط المود.

-لأن شاي مزجانجي مش زي أي شاي

عايز تسألني ازاي؟ هقولك ازاي..

شاي مزجانجي ليه خلطة سحرية مخصوصة بنكهة ومزيج البن اليمني، اللي هتخليك دايما مركز يا فتحي، ومش بس خلطته سحرية، ده كمان فتلتله سحرية.. كل ما تغرق الفتله في المايه هتديك نتيجة خيالية، لو عايز تهضم نزلها مره، عايز تصحصح نزلها تاني مره، عايز تعوض الكافيين نزلها تالت مره..

وعشان شاي مزجانجي هيكون معاك على الحلوه والمره، لو من مرضى القلب أو ممنوع من القهوة، تقدر تشرب شاي مزجانجي من غير كافيين كتير وتجنب النتايج الضاره.

هيديك نفس الطعم من غير خساير، اشرب شاي مزجانجي هتفوق وتبعد عن السراير.

شاي مزجانجي هيخلي مزاجك عال العال.

#مسابقات_عبر