محتوى عن تنظيم الوقت ونصائح لنوم أفضل

فى محاضرة من محاضرات دكتور طارق السويدان عن تنظيم الوقت قال فيما معناه انه مش لازم يكون عندنا وقت بنام ونصحى فيه، ومش لازم ننام لعدد محدد من الساعات؛ لأن ده بيضيع وقتنا ويكفى اننا ننام لما نكون عايزين بس علشان وقتنا ميضعش وإحنا على السرير منتظرين ننام.

ها رأيكم إيه؟! ثوانى كده أنا سامعه ناس بتقول أنا لو نمت فى الوقت الى عايزاه أنام فيه هنام اليوم كله.

بس خلينا نفترض ان فعلا عدد الساعات الى بنام فيها هيقل وهو ده فى الغالب الى هيحصل لو نفذنا كلام دكتور طارق بالحرف بس السؤال هنا المفروض يكون هل أنا هعمل بكفاءة?؟!

خلينا فى البداية كده قبل نرد على سؤال إحنا بنام ليه أصلا؟

إسمعى يا سيدى وبعد كل فايدة للنوم إحمد ربنا على النعمة دى?

1️⃣هل تعلم ان مناعتنا بتقوى وإحنا نايمين وده طبعا زى ما إحنا عارفين بيقلل إصبتنا بالأمراض المختلفة.

2️⃣هل تعلم ان النوم بيزود صحة القلب.

3️⃣تعرف ان وانت نايم كده المعلومات بتتخزن وبيتكون ذكريات والذاكرة بتقوى كمان يعنى بتقل فرصة الإصابة بالزهايمر.

4️⃣بيزيد الذكاء العاطفى وإحنا نايمين، التعامل مع المواقف بيكون بعقلية أكتر يعنى ممكن نقول انه بيقلل العصبية.

ملحوظة مهمه جداا فوائد النوم دى مش هنلقيها غير فى النوم الصحى بس والى هنوضح شوية من تفاصيله فى الى جاى.

هو فى الغالب كده احنا لازم نحترم نومنا جداا ونقدره علشان هو كمان يقدرنا.

النوم بيحب الروتين جداا مبيحبش اللغبطة ووجع الدماغ بس، وكمان بيشرط فى الروتين بتاعه مش لازم يكون روتين عادى لا، روتين النوم لازم يكون بعدد ساعات محددة فى البالغين المفروض يكون عدد ساعات النوم من 7-9 ساعات كل يوم.

تعالوا أفرحكم بحاجة صغيرة كده كل ما عدد ساعات النوم بتزيد كل ما صحة جسمك بتزيد، إستنى كده بس لو زودت عن 9 ساعات بيبدأ الموضوع يختلف وصحة الجسم بتتدهور?️.

طب بتدهور ليه?؟!

⬛فى ناس بتقول ان النوم الكتير ده بيكون بسبب مرض او عدوى.

⬛وفى سبب تانى إن أوقات بنام كتير لأن نومنا أصلا مش صحى فبنعوض جودته بإننا بنزود عدد الساعات.

وفى الحالتين مش بتستفاد اى حاجة بعدد الساعات الكتير.

⭕ودلوقت نكون حلينا نقطة عدد الساعات الى بنمها، تعالوا نروح لنقطة تانية وهى ينفع أنام فى أى وقت؟!

عارف هرمون الميلاتونين؟

مش هتعبكم معايا ده هرمون بيتفرز من الغدة الصنوبرية الموجودة فى المخ، الهرمون ده مش بيتفرز غير فى الظلمة وبليل، وبمجرد ما بيجى الصبح ونصحى أثره بيختفى، وأهميته بتكمن فى إنه مسئول عن تقوية المناعة وحيوية الجسم كمان.

كمان حاجة أخيرة نشاط عقلنا بيكون أكبر ما يمكن فى الفترة بين الساعة 4-7 صباحا وبيبدأ يقل بعد كده.

عارف جملة إعمل أقل إعمل بكفاءة، طبعا كلنا نفسنا ننفذها مش كده؟ تعرف إيه أول خطوة فيها هى انك تنام نوم صحى، علشان كده هنختم بنصائح دكتور ماثيو ووكر علشان ننام نوم صحى.

1️⃣Regularity:

بمعنى إنك تنام فى وقت محدد وتصحى فى وقت محدد، النوم مبيحبش وجع الدماغ?️.

2️⃣Temperature:

المكان الى هنام فيه لازم يكون درجته معتدله مش حر ولا برد.

3️⃣Darkness:

ننام فى الظلمة بقدر الإمكان.

4️⃣Walk it out:

وهنا بيقلنا دكتور ماثيو إنه لو معرفناش ننام لمدة 25 دقيقة يبقى نقوم نعمل أى حاجة بتخلينا عايزين ننام غير الموب والتلفزيون والحاجات دى.

5️⃣Impact of caffeine:

للأسف الكافين بيأثر على النوم بشكل كبير مش بس فى إننا مبنعرفش ننام لا كمان بيأثر على جودة النوم الى بنامه.

6️⃣Have a wind-down routine:

حان وقت الإسترخاء قبل النوم، قبل ما ننام بساعة نحاول نقلل الإضاءة من حولينا نبعد عن موبيلتنا وتلفزيوناتنا ولابتنا ندور على أى حاجة بتساعدنا ننام ومنها القراءة فى كتاب ورقى مش إلكترونى، وكل واحد ليه روتينه الخاص، بس المهم انك اول ما تلاقى الحاجة دى تمسك فيها بإيدك وسنانك.

️ملحوظة مهمه جداا لو حد ميعرفش د.طارق السويدان فهو كاتب وباحث وداعية إسلامى وإعلامى ومدرب فى الإدارة والقيادة.

وليه كتب كتيرة مفيدة جداا وبقرأها ومش ببقى متخيله كم المعلومات الى فيها، وممكن الى أنا مفهمتش وجهة النظر الكاملة لدكتور طارق والعيب فيا انا مش أكتر.