الإدارة

️ازاي تكون اداري ناجح ؟!?

مين قالك أصلا انى عايز أكون مدير؟

ومين قالك بردة انك فى وقتك الحالى مش مدير؟

⭕كل واحد فينا بيدير حياته دا شئ أكيد بالإضافة انه ممكن يدير حياة أسرة، وحاجات كتير كلنا فكرين إنها بتيجى بالحب مش بالإدارة الجيدة.

إقتنعت كده ندخل على الجد؟

️فى البداية لازم نعرف يعنى ايه ادارة؟

الإدارة:

هى فن إستخدام الموارد المتاحة لتحقيق أهداف المؤسسة.

مفهمتش بردة...

خلاص تعالى نخدها جزء جزء.

نبدأ بالفن: يعنى إبداع.

يعنى عايز تفهمنى ان الإدارة مش مجرد steps وقوانين وقواعد أمشى عليها بس..

بالضبط كده.

طب إيه هى الموارد؟

الموارد:

هى كل حاجة مهمة وليها قيمة.

?بس الموارد أربعة أنواع.

1️⃣موارد مالية: money

2️⃣موارد مادية: ودى نوعين:

طبيعية: زى الهواء والماية.

صناعية: زى البيت الى عايش فيه العربية الى عندك، وقيس على كده حاجات كتير اوى.

3️⃣موارد غير ملموسة: ودى عبارة عن المعلومات والبيانات والأرقام اى حاجة مهمة بس مش بنعرف نلمسها.

4️⃣الموارد البشرية: بإختصار كده هى الإنسان.

خلاص هحاول أكون مبدع والموارد ومتوفرة فضل ايه تانى؟

?الأهداف:

ودى الغاية الى بتسعى إليها علشان تحققها.

بالنسبة للمؤسسة فهى: مجموعة الأفراد الى بيجمعهم هدف واحد.

️فى النهاية نقدر نقول ان الإدارى الناجح هو:

الشخص القادر على انه يستخدم الموارد المتاحة علشان يحقق الهدف الى بتسعى اليه المؤسسة الى بيدرها.