خليك محترف مصايف
تفاصيل العمل
دائما وابدا اللى يحب ياخد كل حاجة بيخسر كل حاجة
خاصة لما ميزانيتك تكون محدودة يابرنس الليالى
يعنى انت فى المصيف عاوز بحر وهدوء وخصوصية وميزانيتك عالية ومعاك عربية
اعرف دائما أن الموضوع مش فلوس الايجار بس واعرف ان المكان اللى ايجاره عالى مؤشر أن كل حاجة هتلاقيها عالية اكل . كافيهات . ملاهى . فأنت كده يابرنس لو عاوز كل اللى فات فاما تروح الساحل أو ممكن على الأقل المعمورة️
طاب لو انت عاوز بحر وهدوء وخصوصية بس ميزانية متوسطة يبقى تروح العجمى أوأبو قير ودى مناطق للعائلات المحافظة متوسطة الدخل واصحاب الدخول المنخفضة المحافظة هيلاقوا مكانهم بس شقتك بعيده عن البحر شوية