إزاى تكون شركتى جاذبه للكفاءات؟

إزاى تكون شركتى جاذبه للكفاءات؟

سؤال بيشغل جزء كبير من تفكير العاملين فى مجال #الموارد_البشريه و #اصحاب_الشركات و #رواد_الأعمال .. كمان كتير جدا بنشتكى من معدل دوران العماله العالى غير إن كلنا تقريبا بيشتكى من الموظف إللى بيشتغل كام شهر و يسيب الشركه و يمشى و غالبا بيكون الموظف هو الشماعه المناسبه و بننسى خالص إن الشركه ليها دور كبير فى بقاء الموظف أو رحيله.

فى الحقيقه إجابه السؤال سهله نظريا و مش مستحيله عمليا .. ممكن تعمل حاجات بسيطه تخلى شركتك تحافظ على الكفاءات و تجذب كفاءات جديده كمان زى مثلا :-

1. برنامج مكافأت جيد .. من الأخر كل الناس بتشتغل علشان الفلوس .. لو الموظف مش بيحصل على عائد مناسب و مجزى من الوظيفه .. الطبيعى جدا إنه هيفكر فى البديل .. فكر فى هيكل مرتبات و مكافأت يحقق المنفعه المتبادله للطرفين .. إعمل برنامج مرتبط بالإنتاج و يحقق عائد مجزى للموظف المنتج.

2. عرض عمل واضح .. لازم يكون ال Job Offer أو عقد العمل واضح جدا جدا فى الجزء الخاص بالتعاملات الماديه .. حاول يكون واضح فيه المرتب الصافى علشان تطلع بره الجمله الشهيره إللى غالبا بنسمعها من كل موظف جديد .. مش ده إللى إتفقت عليه.

3. فتره الإختبار .. كل الناس جميله فى ال Interview علشان كده لازم يكون فى بند واضح و صريح فى العقد عن فتره الإختبار إللى غالبا بتكون 3 شهور يقدر خلالها أيآ من الطرفين إنهاء علاقه العمل و بدون إبداء أسباب قد تكون محرجه للطرفين.

4. مهام وظيفيه واضحه .. بلاش تتخيل إن الموظف هيكون عارف هو المفروض هيعمل إيه .. حدد ايه المطلوب منه بالظبط و بمنتهى الوضوح .. بلاش تسيب الموضوع لتقدير المدير المباشر .. بلاش تخلى الموظف محتار يعمل ايه .. المفروض إن عندك هيكل تنظيمى محدد فيه مهام كل وظيفه جوه الشركه.

5. المسار الوظيفى .. تخيل كده إن عندك موظف مش عارف لو إجتهد نتيجه جهده هتكون ايه .. تفتكر هيكمل فى الشركه .. و لو كمل هيكون بيضيف قيمه حقيقيه للشركه .. لازم يكون عارف ايه هو ال Career Path جوه الشركه .. خلى عنده أمل فى بكره .. خليه يشوف إن ليه مستقبل جوه الشركه.

6. التدريب المستمر .. اى شركه مش بتهتم بموضوع التدريب بيكون الإنطباع السائد عن موظفيها إنها شركه بلا مستقبل .. التدريب بيزود المهارات و بالتالى فرص الترقى و بالتالى إحتماليه الحفاظ على الموظف أكبر وقت ممكن.

7. شارك موظفينك .. شاركهم أخبار الشركه .. إنجازات الشركه .. التحديات إللى بتواجهها الشركه .. شاركهم إتخاذ القرارات .. إسمع مقترحاتهم .. جرب مش هتندم.

دى كانت مجموعه أفكار بسيطه .. أكيد فى غيرها كتير .. حاول تطبق المناسب لشركتك و قيم النتيجه بعد فتره و شوف الفرق.

قولنا كموظف ايه إللى لو عملته شركتك هيكون صعب عليك تسيبها و تمشى.

إستنونا فى موضوع جديد فى سلسه #كلام_اتش_ار

--------------------------------------------------------------------------------------------

لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى

https://www.ryadahq.com/r...

و لمزيد من المعلومات شوف الفيديو فى الرابط https://www.facebook.com/...

و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.

لحساب الشركات إضغط الرابط التالى

https://www.ryadahq.com/s...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه