الشركه مش بتقف على حد

الشركه مش بتقف على حد

أشهر جمله ممكن تسمعها فى الشركه سواء كنت موظف أو مدير .. للأسف الجمله دى ممكن تدمر شركه كامله لإنها بتستخدم الإستخدام الخاطئ و الأصل إنها بتتقال بسبب مفهوم غلط عند بعض المديرين.

حابب أفكر الجميع أيآ من كان منصبه فى أى شركه إن علاقه العمل هى علاقه منفعه متبادله بين الطرفين .. الموظف و الشركه .. لو الموظف مش بيشتغل كويس أو قصر فى أداء عمله أو مفيش قيمه بيضيفها بنسبه 100% الشركه هتتخلى عنه و تبدأ تدور على بديل و العكس صحيح .. لو الشركه مش بتقدم مقابل مادى مناسب و بتطور من نفسها و من موظفينها الأكيد إن الموظف هيدور على شركه بديله.

دى العلاقه بشكل واضح و إللى لازم يكون الكل بيتعامل على أساسها .. مافيش عشم فى البيزنس و لو حد إتعامل مع الطرف التانى على أساس العشم فببساطه هو الغلطان الوحيد.

طيب أنا كمسئول فى #اداره_الموارد_البشريه أتعامل إزاى مع الحقيقه دى؟

1. لازم تكون فاهم تماما مبدأ علاقه العمل .. مافيش عشم.

2. إقتكر دايما إن طبيعه #البيزنس إتغيرت و مافيش حد دلوقتى ممكن يشتغل فى شركه لسن المعاش.

3. إعمل Success Plan قويه تقدر من خلالها تحافظ على الكفاءات أطول وقت ممكن.

4. دايما يكون عندك CVs لكل وظيفه فى شركتك و تكون متأكد إن الداتا معمولها تحديث بشكل مستمر.

5. حاول دايما تدرب الموظقين و يكون عندك Backup لكل موظف.

6. أى تدريب لأى موظف لازم يكون بعده زياده مرتب .. ماينفعش يشتغل بمرتبه القديم خصوصا لو تدريب قوى و تقييم الموظف كان فيه فرق قوى فى مهاراته.

7. لما تعمل تدريب لأى موظف لازم يمضى على إقرار بعدم ترك العمل خلال سنه مثلا أو دفع قيمه التدريب.

8. فى عقد العمل لازم يكون فى بند واضح يخص الإستقالات و يكون فى البند مهله أسبوعين مثلا علشان تقدر توجد البديل.

9. خليك دايما قريب من الموظفين بما فيه الكفايه علشان لو بيواجههم مشكله مع مديرهم المباشر يعرفوك .. إفتكر إن معظم إللى قدموا إستقالتهم كان السبب مديرهم.

خلصنا موضوع النهارده فى سلسله #كلام_اتش_ار .. إحكولنا عن تجاربكم مع الإستقاله سواء كنت موظف أو HR.

--------------------------------------------------------------------------------------------

لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى

https://www.ryadahq.com/r...

و لمزيد من المعلومات شوف الفيديو فى الرابط https://www.facebook.com/...

و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.

لحساب الشركات إضغط الرابط التالى

https://www.ryadahq.com/s...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه