كتابة محتوى إبداعي

حكاية شغف (2)

شغف قررت إنها مش حتضيع وقت أكتر من كده و بدأت تدور عن خطوات علمية وعملية تساعدها تعرف شغفها بعيد عن العشوائية والتشتت اللي دايماً بيأخروها ، وفعلاً بعد بحث وقراءة كتير، أخيراً وصلت وفهمت إن الشغف قائم على 4 محاور هي:

1_الشخصية

2-القيم

3-الإهتمامات

4-المهارات

*الشخصية: مميزاتك وعيوبك، تحديد نقاط القوة والضعف في شخصيتك من وجهة نظرك ومن أراء الأخرين عنك.

*القيم: قيمك و أهدافك في الحياة، مثلاً هل هي شخصية فقط أم مجتمعية؟ هل تفضلين العمل الفردي أو الجماعي؟

هل هي مادية فقط، أم ليها جانب تنموي؟

*الإهتمامات: مثلاً البرامج المفضلة عندك، كتبك المفضلة، الشخصيات المتابعة ليهم واللي بتعتبريهم قدوة ليكي.

*المهارات: هواياتك، الأشياء اللي بتعرفي تعمليها مهما كانت بسيطة، الأشياء اللي الأخرين بيقولوا ليكي إنك شاطرة فيها.

شغف خلعت من الولاد وبعتتهم مع باباهم لجدتهم ، وعملت لنفسها قهوتها اللي بتحبها وجهزت نوت حلوة? وبدأت تكتب كل حاجة تعرفها عن نفسها في ال٤ محاور و المكنة طلعت قماش أخيراً أنتي كمان يلا إعملي زي شغف وقوليلنا الطريقة دي نفعت معاكي وعرفتي شغفك ولا لا؟

#حكاية_شغف

#حكايات_ذات

#أنتي_بطلة_الحكاية

#ذات