Content writing
تفاصيل العمل
دماغ شغالة مش بتنام!!!
كام مرة حسيتي إنك تعبانة ومرهقة وطاقتك خلصت ؟! دماغك مليانة بأفكار كتييير لدرجة إنك حاسة إنها حتنفجر؟!
وصلتي لمرحلة إنك حتى مبقتيش تعرف تنامي بسهولة و أفكار كتييير بتيجي في دماغك قبل النوم؟! بتفكري في كل حاجة في اللي فات واللي جاي؟!!!
لو بتحسي بكل دا فدا معناه إنك بتعاني من التفكير الزائد الover thinking
التفكير الزائد بياخد من وقتك وطاقتك وبيشحنك بطاقة سلبية بتسببلك مشاكل كتير في حياتك وفي علاقاتك بكل اللي حواليكي وممكن توصلك لمرحلة الإكتئاب.
طيب إيه سبب التفكير المفرط ؟!
فيه أكتر من سبب بس أهم الأسباب دي القلق والخوف.
القلق من نظرة الناس ورأيهم فيكي، فبتفكري في كل موقف حصل وبتراجعي كل تفاصيله أكتر من مرة و تفكري في رأي الناس في كل كلمة بتقوليها، وطبعاً دا شئ مرهق جداً لعقلك ولروحك وجسمك كمان وبيأثر على صحتك النفسية والبدنية بشكل سلبي.
الخوف من كل حاجة وعلى كل حاجة، خوف من الفشل، من بكرة، من المرض، خوف على كل اللي بتحبيهم، الخوف سجن لعقلك وروحك وبيقتلك بالبطئ.
إزاي تقدري تتغلبي على مشكلة التفكير الزائد وتحمي نفسك من أثاره السلبية على صحتك النفسية والبدنية؟
الصلاة و التأمل والرياضة حتساعدك على تصفية ذهنك، وحتأثر بشكل إيجابي على سلامك النفسي.
الثقة في النفس و زيادة تقديرك لذاتك حتساعدك تتخلصي من القلق الإجتماعي ومن ربط ثقتك بنفسك بنظرة الناس ليكي.
ممارسة هواية محببة تفرغي فيها طاقتك السلبية وتشحنك بطاقة إيجابية.
الأكل الصحي مش بس بيفرق في صحتك الجسمانية لا كمان بيفرق جداً في حالتك المزاجية.
شاركينا في الكومنتات، بتعملي إيه عشان تتغلبي على التفكير الزائد؟!
#أنتي_بطلة_الحكاية
#ذات