مقال "السعر على الخاص"

كام مره تم الرد على العميل ب "السعر على الخاص"؟

ياترى كام عميل محتمل رجع فى قراره بسبب الرد اللى بقى موضه البيع الجديده؟

السؤال المهم هنا هل النوع ده من الردود بيقوى موقف عارض المنتج ولا بيخلى العميل ياخد عنه انطباع سلبى ان كل واحد بياخد سعر غير التانى.

الاكيد ان اى حد عايز يشترى اى منتج زى الموبايل مثلا بيشوف الاول مواصفات الموبايل زى :-

• الكاميرا كام ميجا بيكسل.

• الذاكره الداخليه كام.

• الضمان و خدمه ما بعد البيع.

• و الاهم من ده كله السعر.

ازاى يبقى اهم بند و يبقى سر او على الخاص ؟!

الخلاصه من القصه البسيطه دى اللى بتحصل كل يوم ان عمليه البيع ليها شويه مكونات اساسيه ما ينفعش حاجه منهم تكون مش موجوده

المنتج + الموصفات + السعر + العميل = مبيعات

طيب بمناسبه الشتا و اسعار لبس الشتا اللى كلها على الخاص.

لو العميل قرر انه يشترى جاكت مثلا ب 1000 جنيه ها يقدر يختارك ازاى كتاجر محتمل يشترى منه لو انت مش موضح السعر و مواصفات المنتج؟

القصص فى الجزء ده مش ها تخلص احكيلنا قررت تشترى ايه و لغيت قرارك بسبب السعر على الخاص.

لو السعر على الخاص خلاك تقرر ما تشتريش اى حاجه كانت عجباك اعمل شير للبوست ده و قول انا ضد سياسه السعر على الخاص.