مقال عن الهيكل التنظيمى داخل الشركه
تفاصيل العمل
كل شركه سواء كانت كبيره او صغيره لازم تتكون من مجموعه إدارات بتنفذ مهام محدده و غالبا الإدارات الاساسيه لأى شركه هى:-
الإداره الماليه .. اداره التسويق .. اداره المشتريات .. اداره الموارد البشريه
طبعا الإدارات ممكن تزيد على حسب طبيعه النشاط و حجم الشركه و مش المقصود بحجم الشركه كام موظف فى الشركه.
مثلا لو مشروع صغير ها تلاقى صاحب المشروع بيعمل تقريبا كل الشغل لوحده و ده مش معناه ان مافيش إدارات لإن ببساطه المهام اللى بينفذها عباره عن المبيعات .. مراجعه الحسابات .. المشتريات و فى نفس الوقت بيكون ملتزم بمواعيد يفتح فيها و يقفل فيها .. يعنى عمل شغل 4 إدارات و هو فرد واحد.
عايزين نسال نفسنا سؤال مهم .. يعنى ايه إداره؟
بإختصار هى عمليه التخطيط و التنظيم و التوجيه و الرقابه.
طيب كل عمليه من دول بتعمل ايه و اهميتها ايه؟
بص يا سيدى
التخطيط هو العمليه اللى بيتم فيها تحديد المهام المطلوب تحقيقها للشركه .. مثلا تخطيط المبيعات و تحديد هدف الوصول لمبيعات بقيمه مليون جنيه فى 3 شهور.
التنظيم هو العمليه اللى بتحدد مين اللى ها ينفذ الخطه و المقصود هنا الادارات مش موظفين المقصود الإدارات اللى ها تنفذ.
مثلا تحقيق هدف مبيعات مليون جنيه .. اللى ها ينفذ الهدف هو إداره التسويق و المبيعات بالتنسيق مع الإداره الماليه و إداره المخازن.
التوجيه هو العمليه إللى بتحدد إزاى المهام دى ها تتنفذ يعنى إزاى إداره المبيعات ها تحقق الهدف و إزاى ها تنسق مع الإداره الماليه و إداره المخازن.
الرقابه هى العمليه اللى بتجاوب على سؤال حققنا ايه من المطلوب تحقيقه؟
الخلاصه إن كل شركه لازم يكون فيها هيكل ادارى و هو الهيكل اللى بيحدد إدارات الشركه و كل إداره فيها كام قسم.
مثلا اداره التسويق فيها قسم الدعايا و الاعلان و قسم المبيعات و قسم ابحاث التسويق. طيب قسم المبيعات بيتقسم لقسمين هما المبيعات الخارجيه و خدمه العملاء .. وهكذا
و كمان كل شركه لازم يكون فيها هيكل تنظيمى و هو الهيكل اللى بيوضح خط سير العمل بين الإدارات المختلفه و الأقسام و داخل كل قسم و إداره.
مثلا لو عندى طلب توريد لعميل .. مين ها ينفذ الطلب؟
لو مافيش هيكل تنظيمى الطلب ده مش ها يتنفذ لانه ببساطه مش معروف مين ها ينفذ و ينفذ ازاى!
الهيكل التنظيمى بيعتبر من أصل إختصاص إداره #الموارد_البشريه لإن الهيكل بيتكون من مجموعه عناصر .. أهمها:-
1- الوظائف المطلوبه لتنفيذ المهام المطلوبه.
2- التحليل الوظيفى.
3- الوصف الوظيفى.
4- خط سير العمليات بين الإدارات المختلفه و داخل الإداره الواحده.
كده خلصنا موضوعنا النهارده فى سلسه #كلام_بيزنس ابعتولنا لو حابين نتكلم عن موضوع معين.
لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى
و لمزيد من المعلومات شوف الفيديو فى الرابط https://www.facebook.com/...
و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.
لحساب الشركات إضغط الرابط التالى
#كلام_بيزنس
#كلام_اتش_ار
#مهارات_اداريه
#رياده_لاستشارات_التوظيف
#وظائف_خاليه
بطاقة العمل
| اسم المستقل | Ahmed A. |
| عدد الإعجابات | 0 |
| عدد المشاهدات | 37 |
| تاريخ الإضافة | |
| تاريخ الإنجاز |