مقدمه فى علم التسويق

واحد من اكتر الأسئله اللى بتسبب جدل فى #عالم_البيزنس هو ايه الفرق بين التسويق و المبيعات؟ .. طيب هل فى فرق اصلا؟ .. و هل التسويق هو البيع؟

لازم نأكد على نقطه مهمه جدا و هى إن مافيش أى إداره فى الشركه ضد التانيه لإن كلهم متحدين فى الهدف الأساسى مع إختلاف دور كل إداره فى تنفيذ الهدف.

طيب أيه سبب الجدال ده .. بإختصار هو عدم وضوح دور كل إداره فى الشركه خصوصا الإدارات التى تبدو متشابهه فى المهام .. طيب هو صح إن إداره التسويق تبقى من مهامها #البيع ؟

مافيش فى البيزنس حاجه مطلقه يعنى مافيش صح ولا غلط .. اللى صح فى موقف ممكن يبقى غلط فى موقف تانى و اللى مناسب لشركه مش شرط يكون مناسب لشركه تانيه .. افتكر دايما ان مافيش ثوابت فى #البيزنس.

إحنا دورنا فى مجموعه المقالات دى نوضح أيه هو #علم_التسويق و أيه هى #فنوان_البيع و إزاى هما متكاملين و مش ضد بعض .. و ده اللى ها نعمله خلال شهر أكتوبر فى سلسله #كلام_بيزنس.

#ايه_هو_التسويق؟

فى عدد كبير جدا من التعريفات ممكن نختصرهم فى الجمله دى ..

المنتج المناسب بالسعر المناسب فى المكان المناسب فى الوقت المناسب.

التعريف البسيط ده جواه معانى كتير أوى و شغل كتير أوى علشان احنا كشركه نقول قدرنا نعمل مزيج تسويقى.

برضو الكلام ده معناه ايه؟

بإختصار شديد جدا

المنتج المناسب .. هو المنتج المناسب للشريحه المستهدفه مثلا الشركه مستهدفه شريحه الناس اللى ما بتحبش اللبن الرايب .. طيب ايه مشكلتهم .. الطعم .. يبقى الحل اننا نغير الطعم من الطبيعى إلى حاجه طعمها حلو فبالتالى نكسب الشريحه دى .. و من هنا ظهر منتج زبادو.

بالسعر المناسب .. التسعير من اخطر إستراتيجيات التسويق .. مثلا انا كشركه ها انزل منتج جديد .. أختار انهى إستراتيجيه فى التسعير .. هل التسعير النفسى زى آيفون اللى بتبيع اسم البراند .. ولا إستراتيجيه سعر رخيص علشان امشى بمبدأ بيع كتير تكسب كتير .. ولا انزل بسعر زى المنافسين .. الموضوع كبير.

فى المكان المناسب .. المقصود بالمكان هو قنوات البيع يعنى ابيع بالتليفون ولا وجها لوجه ولا اونلاين و لا كلهم ولا جزء منهم .. طبعا ما نقدرش نهمل مكان النشاط زى مثلا مشروع بيع أدوات مكتبيه افضل مكان ليه جنب الجامعه او مجمع مدارس و فى نفس الوقت ممكن أونلاين و يستهدف الشركات.

فى الوقت المناسب .. تخيل إن كل العناصر اللى فاتت تتعمل صح جدا بس تختار وقت مش مناسب فتكون النتيجه فشل المنتج .. تخيل مثلا انك تحاول تبيع جواكت فى شهر أغسطس او ياميش fس مش فى رمضان.

دى كانت مقدمه بسيطه عن #علم_التسويق تابعونا فى سلسله #كلام_بيزنس

لو عايز تقدم على وظائف مبيعات اضغط على الرابط التالى

https://ryadahq.com/job_r...

و لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى

https://www.ryadahq.com/r...

و لمزيد من المعلومات شوف الفيديو فى الرابط https://www.facebook.com/...

و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.

لحساب الشركات إضغط الرابط التالى

https://www.ryadahq.com/s...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه