مقال فى علم التسويق عن إستهداف شرائح السوق

أى مستثمر لما بيجى يعمل مشروع لازم يحدد هو مستهدف مين و بالتالى بيقدر يحدد المنتج او الخدمه المناسبه للشريحه المستهدفه.

افتكر دايما الجمله دى ..

المنتج المناسب بالسعر المناسب فى المكان المناسب فى الوقت المناسب

ممكن تعرف تفاصيل اكتر من المقال ده

https://www.facebook.com/...

فى عالم البيزنس فى 4 مدارس تسويقيه و هما

1. مدرسه الإنتاج: مبدأها الاساسى إنتج كتير .. بيع رخيص .. تكسب كتير و أشهر من بيتعامل بيها هى المصانع الصينيه.

2.. مدرسه المنتج: مبدأها الأساسى منتج قوى جدا بمميزات كتير جدا و عاليه جدا .. و ده مبدأ الصناعه الألمانيه.

3. مدرسه المبيعات: مبدأها الاساسى الزن .. اه الزن انت قريتها صح. ها تلاقى المدرسه دى بتعمل إعلانات بشكل مبالغ فيه .. ها يحاول يحاصرك فى كل حته و بكل وسيله .. و فى النهايه لازم حد يشترى.

4. مدرسه التسويق: و هى أحدث المدارس و مبدأها الأساسى هو العملاء محتاجين ايه؟

لازم لأى بيزنس انه يحدد مين هما العملاء اللى بيستهدفهم .. و خد بالك مافيش حاجه اسمها انا ها ابيع لكل الناس .. حتى أكبر شركات العالم ما تقدرش تقدم خدمه او منتج لكل الناس.

طيب إزاى أقسم السوق؟

السوق الكلى لازم يتجزأ لمجموعه من الأسواق الصغيره و التقسيم ده بيتم على مبادئ منها:-

1. التركيبه السكانيه: و هنا بيتم التقسيم على اساس زى

العمر: مثلا منتجات تخص كبار السن.

النوع: زى مستحضرات التجميل.

الدخل: مثلا عايز أبيع فيلا يبقى محتاج الشريحه اللى دخلها عالى.

التعليم: زى مثلا خدمات طباعه رسائل الدراسات العليا.

الدين: مثلا منتجات زى الحجاب و الإسدالات.

الحاله الإجتماعيه: زى إستهداف المخطوبين علشان أبيع فساتين الزفاف.

2. التقسيم و فقا للسلوك و نمط الحياه: و بيتم التقسيم على أسس زى ممارسه الرياضه او هوايه معينه .. ببساطه مافيش حاجه محدده للتقسيم السلوكى بس و أنت بتعمل البحث بتبدأ تحط المعايير المناسبه للمنتج او الخدمه.

3. التقسيم الجغرافى: بيتم التقسيم على اساس البلد .. المدينه .. المنطقه.

الهدف الأساسى من تقسيم السوق هو تجزءه السوق الكلى إلى اسواق فرعيه و ممكن كمان تقسيم الشرائح إلى شرائح متناهيه الصغر.

بعد ما بنقسم السوق إلى مجموعه من الشرائح لازم نحدد ها نستهدف أنهى شريحه او مجموعه شرائح.

فى 5 إستراتيجيات أساسيه للإستهداف و هى:-

1. استهداف شريحه واحده و المقصود إستهداف شريحه واحده بمنتج واحد.

2. إستهداف مجموعه شرائح و المقصود إستهداف مجموعه شرائح بمنتجات مختلفه.

3. الإستهداف بالمنتج و المقصود استهداف مجموعه شرائح بمنتج واحد بخصائص مختلفه.

4. الإستهداف بالسوق و المقصود استهداف شريحه واحده بمجموعه منتجات مختلفه.

5. الإستهداف الكلى و المقصود إستهداف مجموعه شرائح مختلفه بمنتجات مختلفه.

بعد تقسيم السوق و إستهداف الشريحه المناسبه لازم تحدد الصوره الذهنيه للمنتج .. هل المنتج

عالى الجوده – عالى السعر

عالى الجوده – منخفض السعر

منخفض الجوده – عالى السعر

منخفض الجوده – منخفض السعر

احنا كده اتكلمنا بإختصار عن ال STP

Segmentation – Targeting – Positioning

تابعونا فى سلسله #كلام_بيزنس

لو عايز تقدم على وظائف مبيعات اضغط على الرابط التالى

https://ryadahq.com/job_r...

و لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى

https://www.ryadahq.com/r...

و لمزيد من المعلومات شوف الفيديو فى الرابط https://www.facebook.com/...

و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.

لحساب الشركات إضغط الرابط التالى

https://www.ryadahq.com/s...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه