مقال عن مقابله العمل من وجهه نظر موظف الموارد البشريه

كام مره بعت ال CV للشركات و محدش رد عليك؟

كام مره سألت نفسك هى الشركات مش بتكلمنى ليه؟

كام مره سألت نفسك هل ال #CV بتاعى فيه مشكله علشان كده مش بيكلمونى؟

فى المقال ده هنحاول نوضحلك إزاى عمليه ال Screening و ال Filtration بتم من وجهه نظر ال #HR.

كتير اوى هتلاقى مقالات بتتكلم عن أفضل طريقه لكتابه السيره الذاتيه , إزاى تعدى ال Interview .. يؤسفنى أقولك إن أكتر من 99% من الكلام ده غلط و مالوش اى علاقه بالعلم و هى مجرد خرافات ظهرت و محدش عارف مصدرها ايه.. طيب ايه إللى بيحصل؟

بص ياسيدى .. وقفنا فى المقال السابق عند عمل إعلان الوظيفه و إستلام ال CVs من المتقدمين للوظيفه Candidates .. ايه بقى إللى بيحصل بعد كده؟

مرحله ما بعد إستلام ال CVs إسمها فى علم #اداره_الموارد_البشريه Process of Selecting Candidates و المرحله دى بتنتهى لمقابله العمل و بعد كده بتبدأ مرحله جديده إسمها ال Hiring Process .. طيب ال Selection بيتم إزاى؟

فى ال Selection بنعمل حاجه مهمه جدا إسمها ال Screening & Filtration .. ببساطه لو استلمت 1000 #سيره_ذاتيه مستحيل أعمل مقابلات مع ال 1000 .. هنا بقى هنجاوب على سؤال .. محدش كلمنى ليه؟

اى وظيفه فى الدنيا لازم يكون ليها مجموعه معايير أساسيه تخلى موظف ال #HR يحدد ها المتقدم للوظيفه مناسب ولا لأ .. مثلا الوظيفه محتاجه خبره 3 سنوات و لغه فرنسيه و شهاده معتمده فى مجال التخصص .. مسئول الموارد البشريه بيعمل ايه .. بيبص على ال 3 معايير دول و يبدأ بناءا عليه يعمل ال Filtration.

هنا هقولك شويه نصائح تخص السيره الذاتيه و إللى ممكن تكون نصائح صادمه خصوصا النقطه رقم 2 و رقم 7:-

1. مافيش حاجه إسمها Modern CV ال CV لازم يكون Formal .. فكره إنك تبعت CV مليان ألوان و مختصر بتقلل جدا فرص عمل ال Interview .. طيب هل فى أى حاجه متخصصه فى العلم بتقول #modern_cv .. اقولك لأ .. طيب تقولى أصل ده موضوع كان مش موجود و تم إستحداثه و ده تطور طبيعى .. اقولك للأسف ال #business طول عمره Formal و ها يفضل Formal.

2. أول حاجه بنبص عليها فى ال CV هى خبراتك و مهاراتك .. ما ينفعش تختصرها .. ما ينفعش تقولى إشتغلت #sales_manager و ما تقوليش ايه هى ال #job_description .. لازم أعرف كنت بتعمل ايه .. خد بالك كمتقدم للوظيفه .. حاول تكون تفصيلى جدا فى النقطه دى.

3. فى الجزء الخاص بالمهارات برضو حاول تكون تفصيلى خصوصا لو مهاره تقنيه .. يعنى ما تقولش #graphic_designer .. لازم تقولى بتعرف تعمل ايه بالظبط.

4. ها تلاقى ناس كتير بتقول ما تحطش صورتك فى السيره الذاتيه إلا إذا كان مطلوب الصوره فى إعلان الوظيفه .. يؤسفنى أقولك إن ما فيش حاجه إسمها كده .. وجود الصوره بتخلى ال CV يكون Attractive لل HR .. و بتوصل من خلالها رساله إنك شخص واثق من نفسك .. و إللى يقولك أصل ممكن ال HR ياخد عنك إنطباع سئ بسبب الصوره .. اقولك الكلام ده مش مظبوط .. المهم تكون الصوره ببدله و مش سيلفى.

5. بياناتك الشخصيه لازم تكون واضحه زى مثلا العنوان .. مش عايزه بالتفصيل بس محتاج أعرف منطقه السكن فى نطاق العمل ولا لأ .. كمان رقم الموبايل .. كل ال CVs اللى بنستلمها بيكون فيها رقمين موبايل .. يؤسفنى أقولك إننا مش بنحاول نكلم اى متقدم للوظيفه على رقمين .. السبب هو إن لو عندى 200 متقدم مناسبين و محتاج أحدد معاهم ميعاد المقابله و كلمت الرقم الاول و كان غير متاح أو غلط .. تفتكر التصرف الطبيعى يكون ايه .. أكلم إللى بعده ولا أحاول مع نفس الشخص.

6. السيره الذاتيه لازم تكون واضحه و المعلومات إللى بدور عليها تكون سهل إنى أوصلها .. خد بالك إن ال Screening بيستغرق فى المتوسط دقيقتين .. علشان كده حاول توضحلى المعلومات اللى بحدد منها ينطبق عليك الشروط ولا لأ.

7. من الخرافات المنتشره إن ال CV لازم يكون ورقتين .. ممكن توضحلى إزاى واحد خبرته 10 سنوات مثلا يكتب خبراته فى صفحتين؟

8. لما بنفتح ال CV و نلاقى إنك إشتغلت فى 5 شركات على مدار 3 سنوات مثلا .. دى حاجه بتخوفنى منك لانها دليل على إنك غير مستقر فى العمل و أكيد ها أفضل شخص تانى إشتغل فى شركه او شركتين فى 3 سنوات.

بعد عمليه ال Screening بنبدأ نعمل ال Phone Interview علشان نحدد ميعاد ال #Interview .. طبعا مش مقصود إنك تعمل مقابله من خلال المكالمه إلا فى حالات محدده زى إنك عايز تختبر مستوى ال #candidate فى اللغه.

طيب كمسئول فى #اداره_الموارد_البشريه لازم أراعى أثناء المكالمه إن المتقدم للوظيفه ليه مجموعه حقوق زى:-

• وقت المكالمه مناسب ولا لآ.

• اسم الشركه – العنوان بالتفصيل – الوظيفه.

• ميعاد المقابله مناسب للمتقدم ولا لأ .. بلاش طريقه عندنا مقابله يوم كذا الساعه كذا.

• حاول تكسر الحاجز إللى بينك و بينه و توضحله إنك شخص بتحاول تساعده زى مثلا العنوان كذا .. حضرتك ها تيجى بعربيه ولا مواصلات .. طيب أفضل مواصله هى كذا.

• من أصعب المشاكل إللى بتواجهنا كمسئولين فى إداره الموارد البشريه إن محدش بيجى المقابله هو نسبه الحضور ضعيفه .. يؤسفنى أقولك إن على الأقل 50% من سبب المشكله هلى ال Phone Interview.

عايز برضو أقول كام نصيحه للمتقدمين للوظيفه:-

• بلاش تقبل ابدا تروح مقابله عمل و تدفع فلوس .. حضرتك لو الوظيفه حقيقيه يبقى الشركه هى اللى محتاجاك.

• لو وقت المكالمه مش مناسب ليه قول و بمنتهى الصراحه وقت المكالمه مش مناسب حاليا ممكن نتكلم كمان ساعه .. مسئولى الموارد البشريه المحترفين ها يقدروا تمام إنك عملت كده.

• إسأل بالتفصيل عن العنوان و إزاى تقدر توصل لمكان الشركه .. ده حقك.

• لو هتتأخر أو مش هتروح المقابله إتصل إعتذر.

كده خلصنا ال Screening و ال Phone Interview ندخل على مرحله ال Interview.

ايه هو ال Interview Rounds .. ببساطه هو عدد المقابلات المطلوب من المتقدم إجتيازها للإلتحاق بالوظيفه .. فى شركات بتعمل First Interview و بعد كده Final Interview .. و فى شركات بتعمل Fist Interview و Second Interview و Final Interview .. من الاخر مافيش قاعده ثابته .. وارد جدا تلاقى شركه بتعين من أول مقابله .. الموضوع مرتبط بحجم الشركه.

فى نوعين من ال Interview .. الأول هو Structured Interview و بيكون عباره عن أسئله و إختبارات محدده للمهارات و النوع الثانى هو Unstructured Interview و هو عكس النوع الاول و غالبا بيتعمل فى الشركات الصغيره و للأسف نتيجه المقابله بتكون مرتبطه بوجهه نظر الشخص إللى بيعمل المقابله.

فى الموضوع ده إنتشرت مؤخرا خرافه إسمها أزاى تعدى الانترفيو .. للأسف مافيش حاجه إسمها كده .. فى حاجه إسمها لازم تكون مجهز نفسك كويس للمقابله .. ايه الشطاره فى إنك تجاوب على سؤال زى شايف نفسك فين كمان 5 سنين فترد تقول مكانك أو مدير الشركه أو صاحب الشركه .. أصلا ردك ده معناه إنك مش فاهم السؤال .. علشان تجهز كويس لازم تذاكر الشغلانه اللى انت متقدم ليها .. إعرف تفاصيلها .. إعرف ايه المهارات اللى تخليك مميز فيها .. الأهم من ده كله لازم تكون واثق من نفسك .. ما تحاولش تكدب علشان تجمل حقيقه .. لما تتسأل سبت شركتك القديمه ليه .. ما تشتمش الشركه.

عارف إن المقال كان طويل بس حاولت أختصر إللى بيحصل وراء الكواليس .. و إيه إللى بنعمله كمسئولين فى #اداره_الموارد_البشريه علشان نختار الموظف المناسب .. حاولت كمان أوضح بعض الخرافات المنتشره بخصوص الجزء ده من البيزنس.

إستنونا فى المقال القادم إللى هنتكلم فيه عن الوظيفه الثالثه لإداره الموارد البشريه و هى تدريب و تطوير الموظفين ضمن مجموعه مقالات #أكتوبر فى سلسله #كلام_اتش_ار

--------------------------------------------------------------------------------

لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى

https://www.ryadahq.com/r...

و لمزيد من المعلومات شوف الفيديو فى الرابط https://www.facebook.com/...

و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.

لحساب الشركات إضغط الرابط التالى

https://www.ryadahq.com/s...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه