مقال عن التوظيف و إستقطاب الموظفين

النهارده هنكمل كلامنا عن وظائف #اداره_المواره_البشريه و هنتكلم عن الوظيفه الثانيه و هى #التوظيف.

التوظيف هو عمليه إستقطاب عدد كبير من الكفاءات المناسبه للتقدم لطلب الوظيفه .. طيب إمتى الشركه بتحتاج موظفين؟

فى 5 حالات أساسين و هما :-

1. النمو: زى إن الشركه تفتح فرع جديد أو بتتوسع فى الخدمات إللى بتقدمها.

2. التطور التكنولوجى: و المقصود هنا ظهور وظيفه جديده على سوق العمل زى مسوق السوشيال ميديا .. من أكتر من 8 سنوات كان تقريبا مافيش وظيفه إسمها كده.

3. زياده أعباء العمل: زى مثلا زياده عدد العملاء هيتطلب منك توظيف ممثل #خدمه_عملاء أو مسئول مبيعات علشان بقدر يتعامل مع الزياده فى عدد العملاء.

4. الترقيات: لما موظف بيترقى طبيعى جدا إنك تحتاج تعين موظف جدبد مكان الموظف إللى إترقى.

5. إنهاء التعاقد: مثلا فى حاله رفد موظف أو إنتهاء عقد موظف و لن يتم تجديد العقد.

طيب ايه هى الخطوات المتعارف عليها فى عمليه التوظيف Recruitment Process

1. طلب تعبن موظف جديد من الإداره .. بمعنى إن مدير إداره المبيعات مثلا يبلغ إنه محتاج مندوبين جدد .. أو من خلال خطه مسبقه للتعينات إللى لازم يكون متوافق عليها من مجلس الإداره .. فى الحاله دى بيكون عندك خطه بتقول إن كل ربع سنه مثلا ها نحتاج تعينات جديده فى الوظائف دى .. خد بالك من نقطه مهمه .. معظم مديرين الموارد البشريه فى الشركات المصريه مش بيكون ليهم سلطه إتخاذ قرار التعين.

2. تخطيط عمليه التوظيف .. بعد الحصول على الموافقه على تعيين موظفين جدد بتبدأ إنت كمسئول فى إداره الموارد البشريه بعمل خطه بتحدد فيها كام موظف جديد هيتم تعينه – هيعملوا ايه – المصادر إللى ها تحصل منها على متقدمين للوظيفه – الميزانيه المطلوبه لعمليه التوظيف.

طيب ايه هى المصادر إللى بتحصل منها على متقدمين للوظيفه؟

• مراجعه ال CVs الموجوده عندك مسبقا و العمليه دى إسمها File Search .. خد بالك إن رأسمالك كمسئول فى إداره الموارد االبشريه هو عدد و قوه ال CVs اللى معاك.

• شركات التوظيف.

• المواقع الإلكترونيه المتخصصه فى التوظيف.

• الإعلان فى وسائل زى الجرائد و السوشيال ميديا.

• ال Head Hunting و ده مصطلح دارج فى المجال و المقصود بيه إنك بتدور على أشخاص بمواصفات و مهارات محدده بيكونوا بيشتغلوا فى شركات تانيه .. فتبدأ تتفاوض معاهم للإنضمام لشركتك مقابل مميزات أعلى من الشركه الحاليه.

• التوصيات و مش المقصود بيها الواسطه .. المقصود إنك بتعمل إعلان داخلى جوه الشركه للوظيفه المطلوبه و لو حد من الموظفين يعرف حد مناسب بيرشحه للوظيفه.

• معارض التوظيف.

• التعيين من خلال الحرم الجامعى.

3. عمل إعلان الوظيفه .. بصرف النظر عن المصدر إللى ها تستخدمه فى الحصول على متقدمين للوظيفه .. لازم تكون بتعمل صيغه إعلان بتقول فيه إنك محتاج موظف للوظيفه دى.

طيب ايه مكونات الإعلان؟

• إسم الشركه .. وجود إسم الشركه و تفاصيل عن الشركه بتدى ثقه للشخص اللى بيقرأ الإعلان إنه بيقدم على وظيفه محترمه فى شركه محترمه .. بلاش صيغه زى مطلوب لشركه كبرى.

• تفاصيل الوظيفه زى ال Title – Job Description – Job Specification .. وجود التفاصيل دى بيخليك تعمل Auto Filter للمتقدمين للوظيفه .. ايه أهميه ان يتبعتلك 1000 #سيره_ذاتيه و المناسب منهم 50 بس؟!

• بيانات الإتصال .. زى مثلا اليميل اللى ها ابعت له ال CV.

• المرتب .. من الاخر لو مرتبك حلو و مناسب للوظيفه يبقى يفضل تكتب المرتب او تقول المرتب من كذا ل كذا .. طيب لو مرتبك ضعيف يبقى الأكيد ما تحاولش تذكره لأن ده بيدى صوره سلبيه عن الشركه.

الخطوه إللى بعد كده هى ال Screening و هى عمليه ال Filter لل CVs اللى اتبعتت ..طيب إزاى بيتعمل الموضوع ده .. و هل فعلا ال #HR مش بيبص على السيفيهات ..و اصلا ازاى العمليه دى بتتم .. و إزاى تدير مقابلات العمل.

ده إللى ها نعرفه فى المقال القادم فى سلسله #كلام_اتش_ار

--------------------------------------------------------------------------------

لو عايز تعمل #formal_cv .. جرب خدمتنا المجانيه و ابعت Professional CV للشركات من خلال الرابط التالى

https://www.ryadahq.com/r...

و لمزيد من المعلومات شوف الفيديو فى الرابط https://www.facebook.com/...

و لو انت #HR ممكن تعمل حساب لشركتك مجانا و إعلن عن الوظائف المتاحه مجانا .. إتواصل مع عدد غير محدود من المتقدمين مجانا.

لحساب الشركات إضغط الرابط التالى

https://www.ryadahq.com/s...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه