مقال عن وظائف إداره الموارد البشريه

كتير جدآ بنشوف فى الجروبات المتخصصه فى إداره #الموارد_البشريه سؤال إزاى أبدأ فى مجال الإتش آر أو إزاى اشتغل فى المجال؟

الHuman Resources Management HRM ببساطه هو العلم اللى بيهتم بكل ما يتعلق بالأفراد داخل الشركه أو المؤسسه .. يعنى أيه الكلام ده؟

بص يا سيدى إداره الموارد البشريه هى الإداره المسئوله عن التوظيف – إداره الأداء – تهيئه بيئه العمل بطريقه تخلى الموظف يطلع أحسن نتائج علشان يحقق الهدف الكلى للشركه .. كمان هى الإداره إللى بتقول كل وظيفه و منصب إدارى بيعمل أيه و المقابل المادى كام .. و كمان جزء أساسى من عملها هو تحفيز الموظفين و الحفاظ على إستمراريتهم فى الشركه .. و من ضمن المهام كمان إستقبال الموظفين الجدد و تدريبهم و تهيئه ظروف العمل اللى تخليهم onboard فى أقل وقت ممكن .. و برضو هى الإداره اللى بتخطط السياسات الداخليه للشركه و بتصمم الهيكل التنظيمى و خط سير العمل.

لو عايز تعرف أكتر عن الهيكل التنظيمى ممكن تقرأ المقال ده

https://www.facebook.com/...

طيب كل الحاجات الكتير إللى قولناها دى هى بس شغل إداره الموارد البشريه او هى كل شغل إداره الموارد البشريه .. اقولك إن المهام دى هى المهام الجوهريه فممكن تضيف مهام و تشيل مهام على حسب طبيعه الشركه و حجمها سياستها.

أنا بقى كمسئول فى إداره الموارد البشريه أيه هى المهارات المطلوبه منى علشان أنفذ المهام دى؟

المهارات الأساسيه ممكن نخلصها فى الآتى:-

1. مهاره الإتصال

و المقصود بيها الإتصال مع الإداره العليا .. تخيل إنك بتقدم خطه توظيف مكتوبه بشكل رائع جدا بس مش قادر تشرحها أو تخيل إن الإداره مش مقتنعه بهيكل المرتبات إللى انت مقدمه لوظيفه معينه و مش عارف تقنعهم بالمرتب .. المهاره دى من أهم أسلحتك علشان تكون مميز.

و لازم طبعا يكون عندك مهاره التواصل مع زملائك و مديرك المباشر و ال Blue Collars .. دول هما الناس اللى ها تقضى أكتر من 75% من وقتك فى الشغل معاهم .. لازم تعرف تتواصل معاهم بشكل فعال.

2. مهاره التنظيم

كل يوم ها يكون عندك مهام إداريه تقدر تقول إنها ما بتخلصش .. لو مش بتعرف تنظم وقتك و تحدد أولوياتك يبقى يومك ها يخلص من غير ما تخلص المطلوب .. كمان من ضمن مهارات التنظيم إنك تكون بتقدر تتعامل بسيستم كمبيوتر .. مش شرط يكون برنامج متكامل .. ممكن تعمل ده من خلال الإكسيل مثلا .. المهم إنك تكون بتعرف توظف الإمكانيات المتاحه بشكل يخليك تقدر تحقق أهدافك.

3. مهاره التفاوض

إتكلمنا قبل كده عن مهارات التفاوض فى مقال المهارات الأساسيه للموظف و قولنا إن مهاره التفاوض هى من أهم المهارات إللى لازم تكون بتعرف تستخدمها كموظف .. بس خد بالك إنت كمسئول فى إداره الموارد البشريه وضعك مختلف شويه لأنك ها تتفاوض فى حاجات زى المرتب مع المتقدمين للوظائف و هتتفاوض فى توضيح اللبس إللى ممكن يكون عند بعض الموظفين عن المميزات اللى بتقدمها الشركه للموظف .. و الطبيعى جدا إنك ها تتفاوض لحل خلاف بين موظف و مدير.

ممكن تقرأ مقال المهارات الأساسيه للموظف من الرابط التالى

https://www.facebook.com/...

4. مهاره إداره الأداء

يعنى ايه إداره الأداء .. بإختصار هى المهاره اللى من خلالها بتقدر تطور كفاءه الموظفين .. يعنى مثلا تكون بتعرف تدرب كويس ولازم تكون بتعرف تلاحظ فين العيوب او نقاط الضعف اللى بتخلى فى خلل فى أداء الموظفين.

5. مهاره خدمه العملاء

فى علم الإداره الحديث بيقسموا العملاء إلى عملاء خارجيين و هما عملاء الشركه و إلى عملاء داخليين و هما موظفين الشركه .. انت كمسئول فى #اداره_الموارد_البشريه لازم تكون بتعرف تتعامل بإسلوب #خدمه_العملاء مع الموظفين علشان تحافظ على بيئه العمل مستقره و تحافظ على الموظف فى الشركه اطول وقت ممكن.

حاولت ألخص المهارات الأساسيه فى ال5 نقط دول .. اللى هما خلاصه خبره سنين فى المجال بس ده مش معناه إن دى كل المهارات .. و هقولها تانى .. مافيش ثوابت فى البيزنس.

فى سلسله #كلام_اتش_ار طول شهر أكتوبر هنتكلم عن وظائف إداره الموارد البشريه اللى ممكن نلخصهم فى النقاط التاليه:-

1. التحليل الوظيفى.

2. التوظيف.

3. التدريب و التطوير.

4. إداره الأداء.

5. تخطيط القوى العامله.

6. المزايا و التعويضات.

من وجهه نظرك ايه اهم مهاره فى الخمس مهارات اللى فى المقال و ممكن نضيف عليهم ايه؟

دلوقتى تقدر تعمل حساب لشركتك على موقعنا و تعلن عن الوظائف المتاحه فى شركتك. سجل من خلال الرابط التالى

https://ryadahq.com/signu...

#كلام_بيزنس

#كلام_اتش_ار

#مهارات_اداريه

#رياده_لاستشارات_التوظيف

#وظائف_خاليه