ليه بنحب ريحة المطر؟!
مروح من يوم عمل لطيف وخفيف فجأة الدنيا تمطر وانت اصلا بتحب البلبطة ودا ملعبك بقا وتتمشى مستمتع بكل حاجة دا بعيد عن انك هدموك هتتبل وكدا بس اشطا وشامم ريحة جميلة وتسال نفسك هيا الريحة جاية منين وانا اخد شوية معايا البيت
احب اقولك اللي انت كنت شامه من شوية دا مركب اسمه petrichor بتريكور دا ميكس فراخ من الاوزون والبكتيريا وزيوت نباتات يلا بينا نعرف ايه الخلطة السرية واتعملت ازاي
بتريكور بتتكون من بترا يعني الصخر او الحجر وايكور يعني مادة خاصة تجري ف دم الاله عند الاغريقين
اي عاصفة بتحصل بتعمل شحنات كهربية الشحنات دي بتفصل جزئ االكسجين االي هوا اصلا ذرتين اكسجين كل ذرة تروح ف حتة وتبدا الذرة تدور ع جزئ تلزق فيه مش هتتحمل عبء الحياة لوحدها يعني فيتكون تلت ذرات اكسجين اللي هوا الاوزون
فقاعة الماية وهيا نازلة تقابل مين الاوزون تاخده معاها ف سكتها وهيا نازلة للارض هتلبس ف مركب عضوي اسمه geosmin دا ناتج عن تحلل البكتيريا اللي اسمها actinomycetes بعد ما ماتت والجيوسمين دا ف العادي اللي بنشمه بعد الرياح الشديدة مثلا او العاصف وطالما سيرة العاصف والحر جت يبقى نتكلم عن زيوت النباتات اللي بتقع ع التربة في اوقات الصيف
وبكدا بقت الفقاعة وهيا نازلة قابلت الاوزون خدته معاها نزلت ع الارض لبست في الجيوسمين وزيوت النباتات كل دول ميكس خلاط وشم ياسيدي واستمتع
لو عايز تتدعم المحتوى وتخليه يكمل اعمل سبسكرايب وشير ومتنساش تشغل زرار النوتفيكيشن او الجرس عشان تجيلك الحلقة اول ماتنزل علطول
وتسبلنا سؤالك ف كومنت والموضوع اللي حابب نتكلم فيه الحلقات الجاية وقولنا ف كومنت بتحب المطر ولا لا وليه؟
| اسم المستقل | عبدالله ن. |
| عدد الإعجابات | 1 |
| عدد المشاهدات | 143 |
| تاريخ الإضافة |