الابراج علم زائف مين قال الكلام دا؟
لو عايز المحتوى يكمل ويستمر ساعدنا وشير المحتوى ف كل مكان ومتنساش السبسكرايب لو سمحت ويلا اعرفك هل الابراج حاجة فكسانة فعلا؟
اي طريقة علمية بتعتمد ع كذا حاجة انه الطريقة تبقى قابلة للاختبار انه اقدر اختبرها بدل المرة عشرة - قابلة للتكرار وتكرارها بيدي نفس النتيجة مش نتيجة متغيرة كل شوية - قابلة للنقد والتفكير النقدي -وبعد النقد دا ادلة تثبت صحتها
الاسترولوجي او التنجيم مبني ع اساس ايه؟ بص ياسيدي من خلال تحركات الشمس والاقمار والكواكب اقدر اقولك او اتوقع ايه ممكن يحصل ع الارض بالنسبالك كشخص مثلا فانت لو مولود ف الشهر الفلاني هتبقى واد لذوذ وجميل وطموح وهكذا ع حسب الموسم او الشهر مقترنة بحركة النجم او القمر
طيب هل دا فعلا قابل للاختبار؟
تعالا نختبره نشوف وايه اللي حصل؟ كل النتائج قالت انه مجرد توقعات وتفسير عام سطحي تماما ودا اتعمل ف دراسة للفيزيائي جون ماكجريفي تقدر تشوفها ف كتابه" الاحتمالات في الحياة اليومية"
طيب التنجيم مش يمكن يكون بيعتمد ع ادلة؟ في دراسة ل 193 شخص مشارك انه توقع سمات الشخص ع حسب برجه مثلا مجرد صدف ومع التكرار بتدي نتايج مختلفة وهكذا
وبالنسبة للنقد؟ اي طريقة علمية بيبقى معمول حساب الافكار الناقدة وازاي تتحضدها بالادلة لكن مع المنجمين مش واضح خالص انهم بيبذلوا مجهود ف عمل دا او اي دليل يدحض عدم صحة التوقعات الفلكية دي
وبكدا اصبح التنجيم او الاسترولوجي مصنف تحت العلم الزائف او السودو ساينس، احنا ممكن نتخذه كحاجة فن لكن كحاجة جدية وانه احلام شخص او مشاكله تتعلق بالابراج مظنش دي هتبقى حاجة كويسة خالص يعني
واحب اجاوب ع الناس اللي بتسال انا خافي عدد السبسكرايبر او المشتركين ليه عشان مش عايزك تقيم المحتوى ع اساس عدد او رقم عايزك تقيمه ع اساس انه هادف ولا لامفيد ولا لا وبس مش ع اساس اي حاجة تانية فمتنساش تتدعمنا لو عجبك المحتوى اعمل سبسكرايب ولايك وشغل زرار النوتفيكشين او الجرس لو عايز المحتوى يستمر وتسيبلنا سؤالك ف كومنت والموضوع اللي حابب نتكل فيه الحلقات الجاية وبس كدا سلام
| اسم المستقل | عبدالله ن. |
| عدد الإعجابات | 0 |
| عدد المشاهدات | 163 |
| تاريخ الإضافة |