إسكريبت فيديو يوتيوب (1) القهوة مضرة؟!!

بما انك قاعد جنبها دلوقتي القهوة هاا مش حد تاني فاعمل سبسكرايب ولو مش قاعد جنبها برده اعمل سبسكرايب وشير للحلقة وادعم المحتوى دا لو عجبك ولومعجبكش قول لاصحابك يمكن يعجبهم.

القهوة بتحمينا من امراض كتير زي الزهايمر والشلل الرعاش بتقلل خطورة الاصابة بنسبة 65% تقريبا

برده امراض الكبد بتقلل من خطورة الاصابة بيها بنسبة 80% بس دا مش اي حاجة فيها كافيين تقلل خطورة يعني متجيش تقول كحول مثلا وتقولي دي بتقلل لا ياريس

بتقلل من الاكتئاب بنسبة 20% اما الانتحار ف 50% ودي حاجة تدعو للبهجة يعني وربنا يكون ف عونا جميعا

انا محتار محتار...... افكر بس

انا ..انا..تـ‘ـ.محتار .....سكلي غلط القهوة حلوة

احترت ...القهوة مضرة

ندخل على الاضرار بقا

كالمعتاد يعني معظمنا اول ما يصحى بيتناول كوب من القهوة اللذيذ وهنا تيجي الخطورة بتاعت الموضوع انه تأثير الكافيين بتاع القهوة بيقل ف وقت معين عن وقت تاني انت بتبقى محتاج فيه كافيين اكتر

يعني احنا اول ما نصحى مثلا الجسم بيفرز حاجة اسمها هرمون الكرتيزول له دورة معينة خلال اليوم، هو اللي بيخلينا نصحى ونبقى مركزين فبيبقى ف قمة نشاطه وقت الاستيقاظ او الصحيان بينما بنكون بنشرب كافيين ساعتها ومندمجين، وبدل ما الجسم كان بيعتمد ع الكورتيزول يبدأ يعتمد ع الكافيين وهتبقى كل مرة محتاج كافيين اكتر عشان تصحصح وبدل مانت نظمت واديت لكل حاجة وقتها الكورتيزول له وقته والكافيين له وقته لا ...لا لا .. تبقى معدية لا لا فاصبحت الدنيا معاك معكوسة سيب هرمون الكورتيزول يظبطلك دماغك واهو حاجة انت مش محتاج تجهزلها.

طيب انت دلوقتي عايز تعرف الكورتيزول بيبقى مرتفع امته عشان متشربش كافيين وقت نشاطه وميحصلش خناقة بينهم؟

عندك تلت اوقات اول ماتصحى بعد الساعة 8 مثلا، ف نص اليوم، ف نهاية اليوم كل دول مستويات الكورتيزول فيها عالية

وبيبقى منخفض من مثلا 10 ل12 ظهرا ومابين 2 ل5 مساءا ودا افضل وقت انت محتاج تعلي فيه تركيزك بقا لو عايز فابقى ساعتها احتسي بعضاً من القهوة

كمان الكافيين ممكن يقلل من جودة نومك نفسها والمدة الللي بتنامها متبقاش مرتاح فيها لو زودت الكافيين كتيررر، فيه قهوة بتبقى منزوعة الكافيين مش مننزوعة كاملا طبعا ولكن اقل كافيين من القهوة العادية.

المستفاد من القصة دي كلها لو انت بتشرب كوفي او من محبي القهوة دايما حاول تشرب ف وقتها بحيث تستمع بيها اكتر تساعدك ع التركيز متبقاش بتكسر ف حاجة تانية ف جسمك لا انت ممكن تبقى مستمتع بشربك للقهوة وفي نفس الوقت ميبقاش ضرر عليك بمرور الوقت

انجوي ويز يور كوفي ودا سلام مني لكوباية القهوة بتاعتك وشير للحلقة عشان اصحابك ياخدوا بالهم.

متنساش تعمل سبسكرايب وتسيبلنا سؤالك ف كومنت او ايه الموضوع مثير فضولك وحابب نتكلم فيه.