HR Attrition Dashboard

الداش بورد ده بيجاوب عن سؤال واحد: "مين بيسيب الشركة، وليه؟"

1. الصورة الكبيرة (الـ Cards)

فوق بتشوف عدد الموظفين، وكام واحد سابوا، ونسبة الترك (Attrition Rate)، ومتوسط الراتب. النسبة هي أهم رقم، لأنها بتقولك هل المشكلة صغيرة ولا كبيرة.

2. فين الخسارة (الـ Bars حسب الوظيفة)

بتشوف أي وظيفة أكتر ناس بتسيبها. الأعمدة اللي لونها برتقالي هي الوظايف اللي نسبة الترك فيها عالية. في الداتا الحقيقية، Sales Representative معروفة بإن نسبة الترك فيها عالية.

3. مين بيسيب (الـ Bars حسب السن)

بتعرف أي فئة عمرية أكتر عرضة للمغادرة. غالبًا هتلاقي الشباب الأصغر أكتر ناس بتسيب.

4. إيه السبب (الـ Donut للوقت الإضافي)

دي أهم خطوة. بتوريك إن أغلب اللي سابوا كانوا بيشتغلوا وقت إضافي، يعني الإرهاق سبب رئيسي.

5. الرضا الوظيفي (الجدول)

بيوريك مستوى رضا كل قسم عن شغله وعن التوازن بين الشغل والحياة. القسم اللي رضاه قليل هو اللي محتاج تدخّل.

الفلتر (Slicer) بيخلي العميل يختار القسم، واللوحة كلها تتحدث.

الخلاصة في جملة واحدة

أغلب الموظفين اللي بيسيبوا بيكونوا في وظايف معينة، وأصغر في السن، وبيشتغلوا وقت إضافي كتير، واللوحة دي بتكشف ده عشان الإدارة تتصرف قبل ما تخسر ناس تانية.