نظام ادارة صيدلية

نظام إدارة صيدلية

نوع العمل:

نظام متكامل لإدارة الصيدليات (Pharmacy Management System) بيغطي كل العمليات اليومية للصيدلية، من إدارة الأدوية والمخزون لحد عمليات البيع للعملاء، مع مراعاة الطبيعة الخاصة لقطاع الأدوية (تواريخ الصلاحية، الأدوية اللي محتاجة روشتة).

أهم الميزات:

إدارة كاملة للأدوية (الاسم التجاري والعلمي، الشركة المصنّعة، السعر، الكمية المتاحة) مع تصنيفها حسب النوع والفئة العلاجية

تتبع تاريخ الصلاحية لكل دفعة (Batch) من الدواء، مع تنبيهات تلقائية للأدوية القريبة من الانتهاء أو اللي خلصت صلاحيتها بالفعل

نظام نقطة بيع (POS) لتسجيل عمليات البيع، حساب الإجمالي، وطباعة الفاتورة

تنبيهات عند وصول أي دواء للحد الأدنى من المخزون (Low Stock Alerts)

تمييز الأدوية اللي محتاجة روشتة طبية عن الأدوية اللي بتتباع بدون وصفة

تقارير مبيعات وأرباح (يومية/شهرية)، وتقرير بالأدوية الأكتر مبيعًا

نظام صلاحيات (صيدلي، مدير الصيدلية) بحيث كل مستخدم له صلاحيات مختلفة في النظام

طريقة التنفيذ:

اتبنى النظام بـ ASP.NET Core MVC باستخدام معمارية طبقات (Layered Architecture) بتفصل بين طبقة Presentation، وطبقة BusinessLogic المسؤولة عن منطق العمل (زي حساب التنبيهات ومنع بيع دواء منتهي الصلاحية)، وطبقة DataAccess المسؤولة عن التعامل مع قاعدة البيانات عبر Entity Framework Core ونمط Repository.

اتصمم قاعدة البيانات بعلاقات دقيقة بين الأدوية، الدفعات (Batches)، وعمليات البيع، مع استخدام Transactions لضمان إن عملية البيع بكل تفاصيلها (خصم الكمية، تسجيل الفاتورة) تتم بشكل متكامل أو متتمش خالص. كذلك اتضاف منطق تحقق (Validation) في طبقة الـ Business Logic يمنع بيع أي دواء منتهي الصلاحية أو تسجيل كمية بيع أكبر من المتاح فعليًا في المخزون.