student information system

لمشروع عبارة عن موقع لإدارة الطلاب والمواد الدراسية وتسجيل الطلاب في المواد، معمول باستخدام ASp NET Core MVC و C# و SQL Server فكرة المشروع ببساطة إن المسؤول يقدر من خلال الموقع يدير كل بيانات الطلاب والمواد، وكمان يسجل كل طالب في المواد اللي بيدرسها

الموقع بيسمح بإضافة الطلاب وتعديل بياناتهم وحذفهم وعرض كل الطلاب الموجودين في النظام، مع إمكانية حفظ بيانات الطالب زي الاسم والإيميل ورقم التليفون والـ Level وعدد المواد المسجل فيها

كمان الموقع فيه جزء خاص بإدارة المواد الدراسية، بحيث المسؤول يقدر يضيف مادة جديدة ويعدل بياناتها ويحذفها ويعرض كل المواد الموجودة، بالإضافة إلى تحديد عدد الـ Credits الخاصة بكل مادة ومعرفة عدد الطلاب المسجلين فيها

وفيه جزء خاص بتسجيل الطلاب في المواد، المسؤول بيختار الطالب والمادة وبعد كده بيعمل Register، والنظام بيحفظ عملية التسجيل في قاعدة البيانات مع تاريخ ووقت التسجيل. كمان النظام بيتأكد إن الطالب مش مسجل في نفس المادة قبل كده وبيمنع تكرار عملية التسجيل، وفي حالة احتياج المسؤول لإلغاء التسجيل يقدر يعمل Cancel بسهولة

استخدمت SQL Server كقاعدة بيانات للمشروع، والـ Database فيها جداول Students لتخزين بيانات الطلاب و Courses لتخزين بيانات المواد و Enrollments لتخزين عمليات تسجيل الطلاب في المواد، وتم عمل علاقة بين الطلاب والمواد عن طريق جدول Enrollments بحيث الطالب يقدر يسجل في أكتر من مادة والمادة يقدر يسجل فيها أكتر من طالب

المشروع معمول باستخدام MVC Architecture، الـ Model مسؤول عن البيانات والتعامل مع قاعدة البيانات، والـ View مسؤول عن صفحات الموقع والـ User Interface، والـ Controller مسؤول عن الـ Logic واستقبال Requests وتنفيذ العمليات، واستخدمت Entity Framework Core للتعامل مع قاعدة البيانات وتنفيذ عمليات الإضافة والتعديل والحذف والاستعلام