تتر مسلسل خلي بالك من زيزي

المشروع عبارة عن إعادة تصميم لتتر مسلسل (خلي بالك من زيزي) باستخدام الـ 2D Animation. الفكرة كانت إني أدمج سكريبت التتر مع حركات مرسومة بتعبر عن حالة المسلسل.

بدأت الشغل برسم وتصميم الشخصيات، وعملت شيتات كاملة لزوايا كل شخصية (Turnarounds) عشان أضمن إن أبعادهم تفضل مظبوطة من كل الاتجاهات وقت التحريك.

عشان أطلع حركة طبيعية وفي نفس الوقت معقدة ومليانة تفاصيل، اعتمدت على تقنية الروتوسكوب (Rotoscoping). التقنية دي خلتني أستخدم حركة حقيقية كمرجع، وأرسم فريم بفريم، عشان النتيجة النهائية تكون حركة ناعمة، انسيابية، وماشية بالظبط مع السكريبت وتفاصيل المشاهد.