Rawaq (روق) - Arabic Coffee Branding

روق مش مجرد ماركة قهوة، هو دعوة إنك "تروّق" — تاخد لحظتك، تفصل عن زحمة اليوم، وتستمتع بقهوتك في مكان مصمم يوصلك إحساس بالهدوء والراحة النفسية.

البراند اتولد من فكرة إن قهوتنا مش بس ضرورة يومية، هي تجربة وموود. جمهورنا هم أصحاب "المزاج العالي" في القهوة، الفريلانسرز اللي بيدوروا على مكان هادي يشتغلوا منه، والشباب اللي بيحبوا يفسحوا في مكان يحسسهم إنهم عايشين اللحظة براحتهم.

الهوية البصرية بنت على مزيج بين اللمسة العربية الأصيلة والطابع المودرن البسيط — تايبوجرافي عربي واضح، ألوان دافئة مستوحاة من ضوء الغروب وسط الشجر، وباترنز مستوحاة من أوراق البن نفسها، عشان كل تفصيلة في البراند تحكي جزء من القصة.

من اللوجو، للباكيدج، للـ Merchandise — كل عنصر اتصمم عشان يوصّل نفس الإحساس: قهوة بمزاج هادي، وشخصية عربية أصيلة من غير تكلف.

Location: Maadi, Cairo

Scope: Brand Identity, Logo Design, Packaging, Product Photography