THE STRANGER IN THE NIGHT – Cinematic Concept Artwork

المشروع عبارة عن مشهد سينمائي مستوحى من أجواء أفلام الـ Thriller والـ Horror، وكانت الفكرة إني أخلق لحظة غامضة ومليانة توتر، كأن المشاهد دخل فجأة في لقطة من فيلم ومش عارف إيه اللي هيحصل بعدها.

اعتمدت على أجواء الليل والضباب، مع إضاءة العربية والكشافات كعنصر أساسي في المشهد، ووجود الشخصية الغامضة في الخلفية عشان أدي إحساس بالمراقبة والخطر من غير ما أوضح القصة بشكل مباشر.

اشتغلت على Photo Manipulation وDigital Compositing، مع التركيز على الإضاءة، الظلال، الضباب، الألوان ودمج العناصر مع بعض عشان كل تفاصيل المشهد تحس إنها جزء من نفس البيئة.

الهدف كان إني أعمل تصميم مش بس شكله سينمائي، لكن كمان يحكي قصة من غير كلام ويخلي اللي يشوفه يتساءل: مين الشخص ده؟ وإيه اللي حصل في المكان ده؟ وإيه اللي ممكن يحصل بعد اللحظة دي؟

باقي خطوات المشروع في صور وملفات العمل يرجي الاطلاع عليها