تسويق كافيه بمدينة الرياض

"أفضل قرار أخدته مع العميلة دي.. ما كانش جوه Ads Manager"

من حوالي 5 شهور، بدأت شغل مع عميلة عندها كافيه في الرياض فيها فرعين الأول تحت إدارة موظفين .. لكن الفرع دا كان له طابع خاص لأنه تحت إدارتها هي وبناتها

وكانت علي مشارف اتخاذ قرار غلق الكافيه ..

بالطبع غلق الكافيه مكنش هيكون مؤثر عليها لوحدها ولكن علي العمالة اللي المكان دا هو باب الرزق ليهم .. والحمد لله الذي وفقنا علي استمرار فتح هذا الباب

أول اجتماع بينا قالتلي:

"هدي المشروع فرصة أخيرة... ولو مفيش نتيجة هقفله."

وقتها كان سهل جدًا أفتح Meta Ads أو Google Ads وأبدأ أعمل Campaigns.

لكن كان واضح إن المشكلة مش في الإعلانات...

المشكلة إن السوق مش فاهم قيمة المكان أصلًا.

قبل ما أفكر في الـ Campaigns، بدأت أفهم البزنس.

اكتشفت إن الكافيه مش مجرد مكان يشرب فيه الناس قهوة.

هو مكان هادئ للمذاكرة والعمل، فيه Co-working Environment، فيه مصلى، وكل المخبوزات والحلويات والمشروبات بتتعمل Fresh داخل الكافيه، بالإضافة إلى دور كامل مخصص للفعاليات وورش العمل وأعياد الميلاد، ويومين أسبوعيًا للسيدات فقط.

هنا كانت الفكرة...

بدل ما نسوق لكافيه... ليه منعيدش تعريفه في ذهن العميل؟

بدأنا نبني الـ Positioning على إنه Co-working Space يقدم تجربة قهوة مميزة، وليس مجرد كافيه.

ومن هنا بدأت كل حاجة تتغير...

المحتوى.

الرسائل التسويقية.

الـ Creatives.

وحتى توزيع القنوات الإعلانية.

اشتغلنا على TikTok لبناء الـ Awareness.

واستخدمنا Instagram لزيادة الرسائل والحجوزات.

واستخدمنا Google Local Campaigns لزيادة الزيارات الفعلية للمكان وطلبات الاتجاهات والاتصال.

ومع الوقت بدأنا نشوف أثر مختلف...

وجوه جديدة داخل الفرع.

تفاعل أعلى.

وزيارات أكثر.

وخلال كأس العالم استغلينا حصول الكافيه على تصريح للعمل 24 ساعة، وبنينا حملات تناسب هذه الفترة، فزادت الحجوزات بشكل ملحوظ.

بعدها أطلقنا حملة مخصصة لتأجير مساحة الفعاليات داخل الكافيه.

وكانت المفاجأة...

أن فريق MBC تعرّف على المكان من خلال هذه الحملة، واختاره لتصوير مشاهد من مسلسل سعودي.

ووصل أيضًا استفسار من شخص في مصر مهتم بافتتاح Franchise للكافيه بعد ما تعرّف على العلامة التجارية.

أما بالنسبة للعميلة...

فبدل ما تكون آخر فرصة لمدة شهر...

إحنا بقالنا 5 شهور شغالين مع بعض، ولسه التعاون مستمر حتى اليوم.

أكتر درس خرجت بيه من التجربة دي...

الـ Performance Marketing الحقيقي

هو إنك تعرف تفهم البزنس، وتكتشف القيمة اللي محدش شايفها، وبعدها تبني استراتيجية تسويقية تخلي السوق يشوفها.

أحيانًا أفضل قرار تسويقي... بيتاخد قبل ما تفتح Ads Manager.

والشعور العظيم بالانجاز لما تكون سبب في استمرار باب رزق لآخرين