Space - منصة تعليمية متكاملة

Space منصة تعليمية متكاملة عملت فيها الجزء البرمجي بالكامل بعد ما التصميم كان جاهز، وحولته لتطبيق شغال فعليًا بكل تفاصيله. بعد الدخول بتلاقي الصفحة الرئيسية بتعرض اسم الطالب ونقاطه ورتبته الحالية، وشريط تقدم بيوضح قد إيه باقي على الرتبة الجاية، وتحتها المدرسين والكورسات اللي الطالب مشترك فيها، وكمان اقتراحات لكورسات وتصنيفات تانية حسب اهتمامه. فيه صفحة خاصة لكل كورس فيها كل التفاصيل، عدد الدروس والملفات واسم المستر، ومقسمة لتابات، الدروس والامتحانات والملفات واللايف والترتيب والشات، وجواها مشغل فيديو داخل التطبيق نفسه بيتتبع تقدم الطالب في كل درس. فيه نظام امتحانات كامل، بنك أسئلة وبنك أخطاء بيحفظ إجابات الطالب الغلط عشان يراجعها بعدين، وسجل بيحفظ كل الامتحانات السابقة مع الدرجات، وكويز صغير بعد كل درس لازم الطالب يعديه عشان يفتح الدرس اللي بعده. وفيه نظام تحفيزي (Gamification) بيحسب نقاط الطالب أوتوماتيك حسب نشاطه، ومربوط بمسار رتب متدرج بيبدأ من ملازم لحد مقدم، مع سجل بطولات وأوسمة بيتحدث من السيرفر بيخلي الطلاب يتنافسوا مع بعض. وآخر حاجة فيه شات مباشر بين الطالب والمستر بيشتغل real time لأي استفسار.