HUNTER REVISION

الفكرة بإختصار إن دي مراجعة لتالتة ثانوي، فكنت عاوز أعملها بشكل مختلف شوية عن المعتاد… مش مجرد مراجعة وخلاص، لا يكون ليها عالم وفكرة وهوية كاملة.

ومن هنا بدأ اسم:

Hunter Revision 🎯

الفكرة مستوحاة من الصيد وHunter × Hunter، وكأن طالب تالتة ثانوي هو “الصياد” والفريسة هي الدرجات 🏹

علشان كده قسمت الرحلة لـ Zones أو “مناطق”، وكل Zone ليها جوها وطابعها الخاص.

بدأت أجمع ريفرنسز للصيد وHunter × Hunter، وبعدها اشتغلت على الستايل الأساسي للشخصية واللبس المناسب لأجواء الغابة والصيد، وده اللي ظاهر في أول صورة.

أما الباك جراوندز فمعظمها متعمل بالـ AI بعد شرح كامل لفايب المراجعة والأجواء اللي كنت عاوز أوصلها.

وبعدها بدأت تنفيذ الثامنيلز واحدة واحدة، وكانت الفكرة إن الإضاءة تزيد تدريجيًا مع كل تصميم كنوع من التطور أثناء الرحلة.

حتى تصميم العربية كان فكرته انتقال الطالب من Zone للتانية، كأنه في طريقه بين مناطق المراجعة المختلفة.

وفي الآخر عملت الغلاف وتصميم صفحات الـ PDF، واتعلمت Adobe InDesign مخصوص علشان المشروع ده.

وفي النهاية… أتمنى تكون التجربة عجبتكم ❤️