تصميم شعار

لما بدأت أشتغل على فكرة الشعار هذا، كان هدفي الأساسي إني ما أسوي مجرد رسمة فنجان قهوة عادية زي مئات المقاهي الموجودة. العميل طلب شي يعبر عن اسم ( نبتة )وبنفس الوقت يوصل إحساس بالهدوء والروقان اليومي.

كيف فكرت في التصميم؟

دمجت ورقة النبتة مع انحناءة الفنجان نفسه عشان تطلع الفكرة ذكية وبسيطة (Minimal). لو تلاحظ، الرسمة انسيابية وما فيها زحمة تفاصيل، وخطوط البخار اللي فوق تعطي إيحاء بأن القهوة دايماً طازجة وحارة.

سر اختيار الألوان والخطوط:

اعتمدت اللون الزيتوني الغامق مع الخلفية الكريمية الدافية؛ لأن هذي الألوان تعطي شعور بالطبيعة والنقاء، ومريحة جداً للعين وتناسب أجواء الكافيهات. بالنسبة للخطوط، اخترت اسم "NABT" يكون بخط إنجليزي مودرن ونظيف، وتحته العبارة العربية نبتة لكل يوم بخط ناعم عشان يحصل توازن وما تطغى جهة على جهة.

وين تقدر تستخدمه؟

أهم شي ركزت عليه هو مرونة الشعار (Flat Design)، يعني التصميم جاهز ومدروس بحيث لو انطبع على أكواب الورق، أكياس البن، أو حتى لوحات المقهى واليونيفرم، يطلع واضح وجميل وبنفس الجودة بدون أي مشاكل في الطباعة.