تطوير هوية InstaPay من السرعة للانسيابية
تفاصيل العمل
القديم كان بيقول “سريع” بس بطريقة مباشرة وحرفية أوي. السهمين كانوا واضحين، بس الشكل العام كان مسطح وما فيهوش عمق. فقررت أضيف بُعد تاني للفكرة مش بس السرعة، لكن السلاسة والانسيابية اللي المستخدم المفروض يحس بيها وهو بيحول فلوسه. في التصميم الجديد دمجت حرفين الـ i والـ p مع تدرج لوني من البرتقالي للأحمر، وضيفت إشارات حركة بتوحي إن التحويل مش بس سريع هو سلس ومريح. وخليت البنفسجي ثابت كخلفية عشان أحافظ على هوية البراند الأصلية وما أكسرش الإحساس العام.