إعادة تصميم تطبيق "كتاب"

إعادة تصميم تطبيق "كتب مصر الرقمية"

كنت اول مرة اتعامل مع الابلكيشان دا وقعدت استخدمه لمده ٣ ايام كuser علشان افهم ايه المشاكل اللى ممكن اواجهها ؛ وجربته بكذا وضع مرة والنت ضعيف مرة والنت قوى واكتشفت ان طلع فى فرق فى كل مرة تخيلوا?

? كنت بجرب انزل كتاب علشان اشوف عملية التنزيل شكلها ايه فا روحت لقيته كتبلى على الزرار "تم رفض فتح الكتاب" ف ماكنتش فاهمة ليه وحسيت بإحباط فقولت "يبقى الموقع مش بيأدى المهمة بتاعته الاساسية واليوزر مش بيعرف يحمل الكتب" بس لما جربته مرة تانى لقيته عادى كاتب" تحميل" ف ماعرفتش ايه الفرق عن المرة اللى فاتت نفس الموبايل ونفس النت وكل حاجة بس لاحظت انى لما جربته بالداتا على طول مكتوب كلمة "تحميل" عادى هنا ادركت فعلا انه المشكله فى النت بس الموقع مش بيوضح سبب رفض تحميل الكتاب

✅️ودا اللى اشتغلت عليه انى كتبت باللون الاحمر المشكلة فين تحت الزرار مباشرةً وبرضو غيرت كلمة "تم رفض فتح الكتاب" وسيبت كلمة تحميل زى ما هى بس عملت الزرار disabled غير مفعل

?حاجة كمان اكتشفتها ان محتوى الكتب موضوع فى شكل image ودا بيخلى ان زرار الsearch مش شغال لانه مش قارى الكلام دا قارى صورة

وبالتالى ماقدرتش احدد نص اعمله highlight ولا اتحكم فى حجم الخط ولا اى حاجة

✅️ ف اشتغلت على الموضوع دا فى انى احوط الكتب بطريقة text وبالحركة دى ضيفت صفحة ان الuser يقدر يكبر او يصغر الخط و يقدر يتحكم فى تباعد الاسطر وتباعد الكلمات وتغيير نوع الخط