تصميم تجربة و واجهة مستخدم (UI/UX) لمنصة سياحية ذكية - "Visit Egypt"

بما إن مصر بلدنا جميلة وفيها كنوز كتير، كان نفسي أصمم منصة تحبب أي حد في زيارتها، خصوصاً مع افتتاح المتحف المصري الكبير. الفكرة مكنتش بس في الألوان، لكن في إزاي أخلي السائح يحس إنه "في بيته" ومطمن وهو بيخطط لرحلته.

إيه اللي ركزت عليه في التصميم؟

سمعت لشكوى السياح: سألت ودورت وعرفت إن أكتر حاجة بتقلقهم هي "المواصلات". عشان كدة، صممت قسم خاص بيعرفهم كل وسيلة مواصلات بأسعارها الحقيقية، وحتى خرائط المترو، عشان محدش يحس إنه غريب أو "يُضحك عليه".

التصميم للجميع (Accessibility): كان يهمني جداً إن الموقع يكون سهل لأي حد، حتى لو عنده مشكلة في الرؤية زي عمى الألوان. اختبرت كل الألوان بمعايير عالمية (WCAG) وتأكدت إنها مريحة للعين، وكمان ضفت ترجمة للفيديوهات ووصف نصي عشان أصدقائنا من ضعاف السمع يقدروا يستمتعوا بالمحتوى زينا بالظبط.

قسم النصائح : ضفت لمسات بسيطة زي التنبيه بشرب الماية والتعامل مع شمس مصر، لأن سلامة السائح هي أهم حاجة بتقدمها له بلدنا.