Emdad [deploy full stack web in Hostinger vps]

المشروع بدأ بتحدي حقيقي، عندنا database موجودة على Azure بصيغة .bak، والمهمة كانت ننقلها ونشغلها في بيئة جديدة خالص.

الخطوة الأولى كانت نعمل restore للـ .bak دي جوه Docker container، ونربطها بـ volume عشان الداتا متتمسحش لو الـ container اتوقف. وبعد ما الداتا اتنقلت بأمان، عملنا نظام backup منتظم على Hostinger VPS مع log backup عشان نضمن إننا دايماً عندنا نسخة احتياطية لو حصل أي حاجة.

بعد ما الـ database اتحلت، جه دور الـ infrastructure. استخدمنا Ansible Playbooks نأتمت بيها كل حاجة على الـ VPS، من الـ setup الأولاني لحد تجهيز البيئة كاملة، من غير ما نلمس السيرفر يدوياً.

وعلى جنب الـ infrastructure، بنينا GitLab CI/CD pipeline مرن، بيدعم ٣ سيناريوهات حسب الاحتياج، تعمل deploy للـ Frontend لوحده، أو الـ Backend لوحده، أو الاتنين مع بعض في full deployment واحد.

النتيجة في الآخر كانت منظومة متكاملة، الداتا اتنقلت، الـ infrastructure اتأتمت، والـ deployments بقت سريعة ومضبوطة