فيديو تسويق عقاري

وفي فيديو تالت برضو كان في مجال التسويق العقاري، كانت البنت بتتكلم عن مشروع في المنصورة الجديدة اسمه “أبراج”، ودوري كان إني أخلي الكلام اللي بتقوله يتحول لحاجة مرئية تشد الانتباه وتوصل المعلومة بسرعة. كنت بدعم كل نقطة بتقولها بصور مناسبة تظهر في التوقيت الصح، مع إضافة لمسات تجميلية زي الماسكنج عشان أطلع العناصر بشكل أنعم وأكتر احترافية.

في بداية الفيديو عملت هوك بسيط باستخدام علامات استفهام بتظهر من وراها، بحيث يدي إحساس بالفضول ويشد المشاهد يكمل. وكل معلومة مهمة كانت بتتقال، كنت بوضحها يا إما بتكست واضح أو بصورة بتأكد المعنى، عشان المعلومة تثبت بسهولة.

كمان كنت بحرص إن مفيش لحظة ملل، فمع كل جملة جديدة بستخدم زوم إن أو زوم أوت بشكل خفيف ومدروس يجدد تركيز المشاهد ويخليه متابع مع الفيديو من غير ما يحس برتابة. الفكرة كلها كانت الحفاظ على انتباه العميل طول الفيديو، مع تقديم المحتوى بشكل بسيط وشكله حلو في نفس الوقت.