فيديو ميم

أنا عملت فيديو ميم لواحدة بتلعب Valorant، عشان اعمل الفديو ده استعملت برنامج Davinci Resolve, بس الفكرة كلها كانت إني أخلي الفيديو “عايش” مع الصوت، مش مجرد قص ولزق عادي. يعني مثلًا لو صوت الماوس عندها عالي، بحط صورة ماوس وأحركها مع كل كليك بحيث تحس إن الصورة نفسها بتتفاعل مع الصوت، ولو عدو دخل عليها فجأة بدخل ساوند مضحك مع زوم سريع يخدم الموقف ويزود الكوميديا. كمان كنت ماشي بالزوم والحركة على حسب الحوار اللي حاصل بين اللاعب والعدو، فالفيديو بيبقى كأنه قصة سريعة مش مجرد جيم بلاي. الشغل ده بيعتمد جدًا على التوقيت الدقيق وربط الصوت بالصورة بشكل ذكي، وده بيخليه مناسب جدًا لمحتوى الجيمنج والمقاطع القصيرة زي الريلز والتيك توك، خصوصًا للناس اللي عايزة محتوى خفيف وسريع ويشد الانتباه من أول ثانية.