تطوير تصميم موقع وزارة الاتصالات وتقانة المعلومات السورية

طلعتلي هالفكرة مؤخرًا أعيد تصميم موقع وزارة الاتصالات وتقانة المعلومات السورية كـ مشروع شخصي لتطوير مهاراتي كم مصمم UIUX.

شو كان الهدف؟

ببساطة نخلّي الموقع أسهل وأوضح للناس. لأنو للأسف كتير مواقع حكومية بتكون المعلومات فيها مبعثرة وصعب الوصول للخدمات بسرعة.

شو المشاكل اللي لاحظتها بالموقع الحالي؟

زحمة أخبار وإعلانات ما في ترتيب واضح.

صعوبة تمييز الشيء المهم عن الثانوي.

التصميم بحاجة تحديث ليواكب العصر مع الحفاظ على الطابع الرسمي.

شو عملت؟

رتّبت المحتوى: قسمته لبطاقات (أخبار، فعاليات، تقارير، دراسات) عشان الزائر يدلّ عالشيء يللي بدو ياه بسرعة.

وظّفت المساحات: خففت الزحمة ووزعت العناصر بشكل مريح للعين.

طوّرت الشكل: حافظت على ألوان الهوية البصرية الجديدة، وكبّرت الخطوط ووضّحتها للقراءة المريحة.

أبرزت الأزرار: متل "تابع القراءة" وروابط الخدمات المهمة مشان الزائر يعرف وين يضغط.

بالنتيجة؟

طلعت واجهة نظيفة عصرية وسهلة. تصميم يليق بالوزارة ويسهل على المواطن وصوله للمعلومات بدون تعقيدات.