اعاده تصميم غلاف

فيه حاجات من طفولتنا… بتفضل عايشة جوانا مهما كبرنا

أنا عملت إعادة تصميم لغلاف كتاب كنت بقرأه وأنا صغيرة… وكان ممتع جدًا بالنسبة لي.

فحبيت أتخيل لو الكتاب ده اتعمل له تحديث دلوقتي، ممكن شكله يبقى إزاي بروح العصر الجديد؟

أكيد ممكن يكون فيه نسخ أقوى من ناحية التنفيذ أو التفاصيل،

بس أنا كنت حابة أركز على فكرة معينة…

إني أدمج بين حاجتين أنا بحبهم جدًا، وأتوقع ناس كتير من جيلنا بتحبهم:

الرعب × الأنيميشن

ومش معنى إن الحاجة أنيميشن إنها للأطفال بس،

بالعكس… ممكن تكون موجهة للمراهقين أو للكبار عادي، خصوصًا إن مرحلة المراهقة نفسها بتبقى ميكس بين عالمين.

حاولت كمان إن التصميم يفضل مصري في روحه وتفاصيله،

وفي نفس الوقت يبان كأنه تصميم عالمي حديث.

حابة أسمع آراءكم جدًا ?

قولوا لي رأيكم… وإيه أكتر حاجة شدتكم في التصميم؟

التصميم ده كان تجربة مهمّة جدًا بالنسبالي. حاولت أطبّق فيه اللي بتعلّمه، وأستفيد على قد ما أقدر من ملاحظات زمايلي وكلام الباشمهندس، لأن فعلًا كل سيشن بتعلّم منه حاجة جديدة.

اعتمد هذا التصميم على طرح فكرة تصميمية مختلفه، صيغت بأسلوب بصري بسيط يعزّز من أناقة الهوية

الحمدلله إن التصميم فاز بالمركز الأول في السيشن، ودي كانت حاجة كبيرة جدًا عندي وفرّحتني أكتر ما كنت متخيلة. خصوصًا إن آراء صحابي كانت مشجّعة جدًا، وده ادّاني دافع أكمل وأطوّر من نفسي أكتر.

وكوني قدرت أنافس وسط ناس شاطرة وكبيرة معايا في السيشن كانت خطوة مهمّة بالنسبالي، وخلّت عندي حماس إني أكمّل وأجتهد أكتر في اللي جاي.