تحويل الإعلانات الرقمية إلى مبيعات فعلية في متجر إلكترونيات

بهذا المشروع كنت مسؤول عن إدارة الحملات الإعلانية لمتجر إلكترونيات تجزئة موجود بدبي، وكان الهدف نوصل للعملاء المحليين اللي فعلاً مهتمين بشراء الأجهزة الإلكترونية ونرفع المبيعات داخل السوق.

بلشت أول إشي أفهم طبيعة سوق الإلكترونيات بدبي وكيف الناس هناك بتتسوق، وحللت المنتجات اللي عليها طلب عالي والمنافسة الموجودة بالسوق. بعدين اشتغلت على بناء استراتيجيات استهداف دقيقة من خلال منصتي تيك توك وسناب شات، لأنهم من أكثر المنصات اللي الجمهور المستهدف بيقضي وقته عليها.

ركزت على صناعة محتوى إعلاني بسيط وجذاب يوصل فكرة المنتج بسرعة ويحفّز الناس تاخذ قرار الشراء. ومن خلال التجربة المستمرة وتحليل النتائج وتطوير الحملات خطوة بخطوة، قدرنا نحقق زيادة واضحة بعدد زيارات المتجر والتفاعل مع المنتجات، وكمان ارتفع عدد النقرات وطلبات الشراء مع المحافظة على تكلفة مناسبة للوصول للعملاء.

أنا دايماً بشوف إنه نجاح الإعلان مش بس بوصوله لعدد كبير من الناس، النجاح الحقيقي يكون لما يوصل للشخص الصح ويقنعه ياخذ خطوة فعلية. ولهيك كنت مركز خلال المشروع على تحسين تجربة العميل من أول ما يشوف الإعلان لحد ما يشتري المنتج.